PD dyshon se Balla e ka ankimuar çështjen në gjykatën e gabuar me qëllim

18:12 | 10/07/2018

Gjykata e Krimeve të Rënda pranoi kërkesën e Kryetarit të Partise Demokratike  Lulzim Basha për të shpallur moskompetencën për akuzën e ngritur nga Taulant Balla lidhur me implikimin ne ngarkesen me 3.4 milione euro ne makinat “Toyota Yaris”. Çështja do të gjykohet në Gjykatën e Tiranës.

Selia blu përmes nje njoftimi per shtyp, thekson qe ankimimi  në gjykatën e gabuar nga Taulant Balla, të mos jetë bërë me qëllim; zvarritjen e çështjes, krijimin e rrethanave të rreme për të ndikuar hetimin penal ndaj çështjes, ku akuzohet si i përfshirë, mashtrimin e opinionit publik.

Partia Demokratike vë në dukje shpejtësinë me të cilën trajtoi çështjen Gjykata e Krimeve të Rënda, ndërsa mbyll njoftimin e shpërndarë për mediat;  “Basha shprehet se “dëshiron të besojë që me këtë standard dhe shpejtësi maksimale, Gjykata zbaton për çdo çështje që lidhet me krimin e organizuar dhe korrupsionin”.​

Pas kësaj deklarate Taulant Balla reagoi në rrjetin social facebook ku shkruan se Basha sipas tij është terhequr nga shpifjet dhe fyerjet, por synon të mbrohet me procedurë.

“Ke një kallzim në Prokurori Lulzim, nesër i shtohen edhe elementë të tjerë që fajësojnë penalisht”, shkruan kryetari i grupit paralementar socialist. /abcnews.al





Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono