Pavlopulos: Maqedonia duhet të zbatojë marrëveshjen e Prespës

17:44 | 27/10/2018

Maqedonia duhet të zbatojë deri në fund marrëveshjen e Prespës pasi vetëm kështu mund të ecë përpara në rrugën për anëtarësimin në Nato dhe Bashkimin Europian. Ka qenë kjo deklarata e presidentit grek Pavlopulos, i cili shtoi se Greqia e mbështet vendin fqinj.

Prokopis Pavlopulos, kreu i shtetit grek, deklaroi se Greqia dhe Maqedonia po përpiqen të kenë marrëdhënie miqësore dhe fqinjësore, dhe se vendi i tij ka dëshmuar se mbështet anëtarësimin e Maqedonisë në NATO dhe Bashkim Europian. Por duke folur për këtë aspekt ai theksoi se fillimisht maqedoia duhet të zbatojë deri në fund marrëveshjen e Prespës.

Presidenti grek theksoi se vendi fqinj duhet të bëjë ndryshimet e nevojshme në rendin e brendshëm ligjor, mbi të gjitha në Kushtetutë. Vetëm kur të ketë përfunduar i gjithë ky proces, dhe pasi të vërtetohet që ndryshimi i Kushtetutës i përmban të gjitha garancitë, vetëm atëherë mund të ketë ftesë për anëtarësim në NATO, dhe çfarëdo lloj fillimi të bisedimeve në lidhje me procesin e anëtarësimit të vendit në Bashkimin Evropian.

Gjithashtu, vetëm pas kësaj do të mund të finalizohet edhe përmbajtja sipas të drejtës ndërkombëtare, shqyrtimi i drejtë i Marrëveshjes mes Greqisë dhe vendit fqinj, në mënyrë që të vijnë për ratifikim në Parlamentin grek, përfundoi tha Pavlopulos./abcnews.al




Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono