Patozi: Ilir Meta ka marrë një rol opozitari të mirëfilltë

21:27 | 14/06/2019

Sipas koordinatorit të Bindjes Demokratike, Astrit Patozi, Ilir Meta sot ka rol më të madh në opozitë se Lulzim Basha. Mirëpo sipas tij edhe pse ai e ka të drejtë diçka të tillë nuk duhet ta bëjë pasi është President.

“Di të them që roli i tij sot në opozitë është më i madh se sa i Lulzim Bashës dhe kjo është evidente. Kjo është shumë e qartë edhe për Lulzim Bashën, i cili ka qenë në një lloj tërheqje ditëve të fundit, s’ka pasur protagonizëm, përveç dje që foli. Ajo e djeshmja ishte më tepër si një lloj reagimi ndaj prokurorisë për t’u paraqitur të hënën.

Unë besoj që Ilir Meta ka marrë një rol opozitari të mirëfilltë dhe është në të drejtën e tij që ta bëjë, por jo duke qenë njëkohësisht edhe President brenda Kushtetutës sepse nuk shkojnë të dyja. Pra që të jesh dhe aktor politik dhe përfaqësues i unitetit të kombit, nuk mund t’i bësh të dyja. Ilir Meta ka çeduar tek pjesa e Presidentit dhe ka marrë protagonizëm tek pjesa e opozitarit”, tha Patozi gjatë emisionit “Provokacija”.

Vendimin për anulimin e zgjedhjeve, Patozi thotë se Meta e ka bërë për t’i dhënë serum opozitës dhe partisë së tij.

“E ka bërë për t’i dhënë kohë, për t’i dhënë serum opozitës, ku përfshihet dhe partia e tij. Është qartësisht partia e tij. Kam qenë krejtësisht i bindur që ditën e parë kur ka shkuar President që nuk do e linte asnjë ditë atë parti, por do ishte protagonist i asaj partie. Kaq. Koha na dha të drejtë”, tha Patozi.

Për sa i përket kryeministri, Patozi tha se nëse zgjedhjet mbahen më 30 Qershor ai do të korrë një fitore si e Pirros.

“Edi Rama besoj unë se në rast se zgjedhjet do të mbahen me 30 Qershor normalisht apo me ndonjë incident të vogël se natyrisht do të regjistrohen të tilla, Edi Rama sipas meje do të korrë një fitore si të Pirros. Pra do të fitojë zgjedhjet, por nuk do ta ketë të lehtë mbijetesën e tij politike pasi drejt tij do të drejtohen të gjithë proxhktorët e kësaj shoqërie, por dhe faktorit ndërkombëtar si një nga shkaktarët e kësaj qoftë edhe të këtij defekti të madh në këto zgjedhje. Edi Rama nuk kishte pse të bënte pazar para dy vitesh dhe të futej të ndante qeverinë me Lulzim Bashën  se ja ku vjen. Edi Rama nuk kishte pse çonte në kafaz Ilir Metën duke e internuar si President se ja ku vjen dita që të kthehet. Edi Rama nëse do sillej si një lider normal evropian para dy vjetësh ne nuk do mbërrinim në këtë pikë”, tha koordinatori i BD-së./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono