Pastori amerikan mbërrin në SHBA, takohet me Trump

22:59 | 13/10/2018

Pastori amerikan Endriu Branson ka mbërritur të shtunën në Uashington, ku është pritur në një takim nga presidenti Trump në Shtëpinë e Bardhë. Në fjalën e tij, Trump ka deklaruar se lirimi i Branson hap një epokë të re marrëdhëniesh të shkëlqyera me Turqinë.

Një ditë pas lirimit, pastori amerikan Endriu Branson ka mbërritur në Shtetet e Bashkuara ku është pritur në një takim nga presidenti Donald Trump. Branson është shfaqur në dhomën Ovale përkrah kreut të shtetit, i cili ka falenderuar homologun turk Recep Taip Erdogan për ndihmën e dhënë në zgjidhjen e çështjes. Trump ka deklaruar se Shtetet e Bashkuara punuan shumë për të siguruar lirimin e Branson. Ai i tha pastorit se me qëndresën dhe besimin e tij i dha forcë Amerikës. Nga ana e tij, pastori falenderoi presidentin Trump dhe administratën e tij dhe pastaj bëri një lutje së bashku me të. Branson u tha gazetarëve se tani, ai dhe bashkëshortja dëshirojnë të kalojnë momente me fëmijët e tyre.

Të premten, një gjykatë turke e dënoi pastorin evangjelist me 3 vjet burg, por e liroi për shkak të kohës që ai kishte kaluar në gjendje burgimi gjatë procesit. Branson u arrestua për lidhje me grupet që ndihmuan në grushtin e shtetit të vitit 2016. Akuzat për spiunazh që rëndonin ndaj tij u rrëzuan. Presidenti Trump e cilësoi lirimin një “hap madhor” drejt një marrëdhënieje të shkëlqyer me Turqinë. Ai tha se, me Ankaranë nuk është bërë një marrëveshje, por nënvizoi se do të rishikojë sanksionet e forta të vendosura ndaj vendit tani që Branson u lirua. Një reagim lidhur me çështjen erdhi të shtunën edhe nga presidenti Erdogan, i cili tha se Branson nuk u lirua në kuadër të një marrëveshjeje, por e liroi drejtësia turke./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono