Pas pushimeve deputetët i rikthehen Kuvendit, anti-shpifja diskutimi i parë

18:41 | 19/01/202018:410

Pas një pushimi mbi 1 mujor 122 deputetët do i rikthehen Kuvendit. Pasditen e së hënës, në orën 17:00 kryetari i Kuvendit, Gramoz Ruçi do të çel sesionin e 6-të, të Legjislaturës 9-të të Kuvendit.

Kjo do të jetë një seancë formale pasi në të nuk ka projektligje për t’u diskutuar e miratuar. Referuar të shkuarës, kryetari i Kuvendit drejton një mesazh për deputetët, për bashkëpunim mes tyre për ligje të rëndësishme.

Në këtë seancë nuk do të jetë kryeministri Edi Rama. Ky i fundit do të jetë në Kiev të Ukranis, vendi i parë që ai do të vizitojë si kryeses i OSBE-së.

Seanca e pasdites do të pasohet nga një mbledhje të Konferencës së kryetarëve që do të caktojë programin dhe kalendarin e punimeve të Kuvendit për javët në vijim.

Anti-shpifja që mbylli sesionin e kaluar pritet që të jetë edhe diskutimi i parë i këtij sesioni të ri parlamentar.

Presidenti Meta ka kërkuar prej Kuvendit rishikim të paketës pasi sipas tij cenonin lirinë e medias por maxhoranca ka paralajmëruar se do e rrëzojë atë në seancën më të afërt parlamentare.

Gjatë këtij sesioni një vëmendje të veçantë do të marrë dhe kuadri ligjor që prek ndërtimet./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono