Pas Nejmarit, edhe Kavani nuk luan Paris Sen Zhermenin

16:43 | 10/02/2019

Paris Sen Zhermeni mori një tjetër lajm të keq përsa i përket dëmtimeve. Kampionia e Francës nuk do të ketë dy lojtarë kryesorë në duelin e Championsit ndaj Mançester Junajtidit.

Për mungesën e njërit yll e kishte mbledhur mendjen. Paris SG e dinte se do të luante ndaj Mançester Junajtidit, në Champions, pa Nejmarin, por tani mori edhe goditjen e dytë. Për fat të keq, edhe liga franceze, jo aq shumë e mundimshme sa ajo angleze apo spanjolle, po shkakton probleme të shumta, si dëmtimi I Edinson Kavanit.

Golshënuesi më i mirë në historinë e klubit ndjeu dhimbje pasi shënoi me penallti në ndeshjen ndaj Bordosë në “Park dë Prensis”, dhe trajneri Tomas Tuhel u detyrua ta zëvendësonte shpej, për të mos i bërë gjërat më keq. Gazeta “L’Ekip” e shpreh shumë qartë sesi u ndjenë parizienët:  Kavani bën PSG-në që të dridhet. Gjithsesi, lajmin e keq e dha gazeta e kryeqytetit, “Lë Parizien”.

“Kavani nuk do të udhëtojë për në Mançester”, titulloi ajo, duke sqaruar se dëmtimi muskulor do ta pengojë për të luajtur në Champions.

“Ne patëm shumë vështirësi në këtë ndeshje, – ishte analiza e trajnerit, – Natyrisht që kemi menduar për ndeshjen e Championsit, dhe kjo na ka prishur punë, por kjo është normale. Shpresoj vetëm që të përballojmë mungesën e lojtarëve të rëndësishëm”.

Lajmi i mirë për kampionët e Francës është rikthimi titullar i mesfushorit Marko Verrati, edhe pse ai nuk mundi ta mbyllte ndeshjen.

Tashmë, ai pritet të jetë në formacion në “Old Traford”. “Jam i lumtur sepse kisha 3 javë që nuk luaja, – u shpreh italiani, – u ndjeva mirë. Përsa i përket ndeshjes, ishte e vështirë dhe duhet të përmirësohemi”.

Paris SG mund të ketë në dyshim edhe mbrojtësin Mënier, fitues i penalltisë, pasi belgu u godit kokë më kokë me një kundërshtar. Kampionët vazhdojnë dominimin e ligës franceze, por pritet ta kenë shumë të vështirë ndaj një Mançester Junajtidi që është duke shkëlqyer nën drejtimin e trajnerit të ri, Solskjer./abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono