Pas 93 vitesh, Korça do të ketë sërish aeroport civil

15:46 | 05/12/201815:460

Autoritetet vendore në Korçë janë prezantuar detaje të një investimi prej 25 milionë eurosh. Bëhet fjalë për ndërtimin e një aeroporti civil në këtë gjurmët e atij që ka ekzistuar 93 vite më parë.

Një aeroport civil pas 93 vjetesh në Korçe. Faza studimore e projektit për ndërtimin e aeroportit, parashikuar të ndërtohet në gjurmen ekzistuese të aeroportit të Lumalasit, ka përfunduar.

Detajet e investimit, që shkon në 25 milionë euro, janë prezantuar në një takim me aktorë të pushtetit vendor dhe qendror.

Vitin e ardhshëm, pritet të ngrihen nga pista e Lumalasit avionët e vegjël, sportivë dhe turistikë, ndërsa perspektiva synohet të përfshijë edhe fluturimet ndërkombëtare.

Prefekti i Korçës, Dhori Spirollari: Bëhet fjalë ëpr një projekt madhor me rëndësi strategjike që jep ndikim të drejtpërdrejtë në zhvillimin e Shqipërisë.

Funksionimi i aeroportit në Juglindje, do të ketë impakt për zhvillimin e turizmit, duke e bërë rajonin të konkurueshëm me vendet fqinje.

Sotiraq Filo, kreu i bashkisë Korçë: Ajo që kemi për detyrë është t’u lehtësojmë aksesin vizitorëve potencialë që duan të vizitojnë dhe vijnë në rajonin tonë dhe ndërtimi i aeroportit i shërben këtij qëllimi.

Aeroporti i Lumalasit, vetëm gjashtë km larg qytetit do të ketë pronësi shtetërore, ndërsa shfrytëzimi, mirëmbajta dhe menaxhimi, diskutohet të bëhen nga sektori privat. Projekti parashikon realizimin e 200 fluturimeve dhe transportin e 20 mijë pasagjerëve. Në fillim të viteve ‘20 të shekullit të kaluar në Korçë funksiononin tre aeroporte. Fluturimet e para civile nga aeroporti i Lumalasit, që ishte më i madhi, nisën në vitin 1925 dhe vijuan deri në 1944. Më pas pista u përdor vetëm për qëllime ushtarake. /abcnews.al


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Të lidhura

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono