Partizani nuk pret dhurata për titullin, trajneri Gega i përgjigjet trajnerit të Kukësit

15:40 | 10/02/2019

Trajneri i Partizanit, Skënder Gega, nuk mendon se skuadra e tij po merr dhurata në rrugën e saj drejt titullit. Ai iu përgjigj akuzave të bëra pas ndeshjes së fituar në fushën e Kamzës.

Ndeshja u fitua, por trajneri u ngacmua për diçka tjetër.

Skënder Gega, më shumë sesa për suksesin ndaj Kastriotit në Superligë, u detyrua të përgjigjej për atë që u quajt dhuratë, tripikëshin e marrë një javë më parë në fushën e Kamzës.

Ish-ylli i Vllaznisë, Edi Martini, hodhi dyshime mbi ndershmërinë e ndeshjes, ndërsa trajneri I Kukësit, Cungu, deklaroi së fundmi se ndaj ekipit të tij luhet fort, ndërsa skuadra të tjera marrin dhurata.

Gega: “Unë du dhutatë nga lojtarët e mi, të shënojnë gol, të lujnë mirë, të fitojnë. Ekipi im duhet të jetë i përgatit për çdo lloj ekipi, nuk është puna ime të merem me kundërshtarët e Kukësit. Këtë vit po punohet mirë e shpresojmë të vazhdojmë kështu, po shpresojmë kundër Laçit”.

Gega u shprej pjesërisht i kënaqur për lojën e skuadrës, me kritika për pjesën e parë, ndërsa tregoi edhe për dëmtimin e mbrojtësit Rexhepi.

Gega: “Pjesa e parë nuk ishte ajo që kërkonim, meritë e Kastriotit. Pjesa e dytë jam jashtëzakonisht i kënaqur. Rexhepi do fillojë terapinë që sot, shpresojmë të rekuperohet shpejt”.

Partizani po ndihmohet gjithnjë e më shumë nga Bruno Telushi, shënuesi më I mirë, autor I 5 golave këtë sezon.

Telushi: “Partizani nuk varet nga Telushi, pozicioni im është i rëndësishëm, por dhe çunat e tjerë japin maksimumin”.

Partizani kryeson renditjen e Superligës me 43 pikë pas 21 ndeshjeve. /abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono