Partizani me mungesa, Lerda: Kujdes Flamurtarin, kanë ekspertë në sulm!

13:23 | 09/11/201913:230

Franco Lerda, trajneri i Partizanit, ka dalë para ndeshjes me Flamurtarin në konferencë për shtyp dhe ka folur për sfidën e radhës, kundërshtarin, situatën e lojtarëve të tij dhe për kushtet atmosferike në të cilat do të zhvillohet takimi i ditës së nesërm me kuqezinjtë.

IMPENJIMI – “Djemtë e dinë rëndësinë e kësaj ndeshjes, Është e vërtetë se kur përballet skuadra e vendit të parë me vendin e fundit, sigurisht që rrezikohet të ketë nënvlerësim. Duke respektuar kundërshtarin, ne do të arrijmë të marrim maksimumin nga ky takim. Të bëjmë më të mirën që dimë të bëjmë. Për sa i përket rezultatit, do të varet nga episodet e lojës dhe gjërat e tjera brenda fushës.

PIKA E FORTË E FLAMURTARIT – “Në ndeshjen e parë fituam në inferioritet numerik, pasi ishim me 10 lojtarë. I pashë në ndeshjen me Kukësin dhe nuk e meritonin të humbnin. Bënë një ndeshje të mirë. Kanë lojtarë ekspertë në sulm dhe me eksperiencë. Duhet të mos iu lemë hapësira për të na goditur.

MOMENTI I SHKËPUTJES – “Momenti për ne është që të marrim maksimumin në ndeshjen e radhës. Ndeshja e radhës është momenti ynë. Duhet të fokusohemi vetëm që të marrim 3 pikët e radhës, ky është momenti ynë”.

FORMACIONI – “Le të themi se kemi pasur një javë stërvitje, i kam parë lojtarët dhe në bazë të asaj që shoh vendos kush është më gati për të luajtur. Ndryshimet janë në kuptimin e formës së lojtarëve. Stërvitjet janë banka e provës për lojtarët”.

KUSHTET ATMOSFERIKE – “Këtë javë kemi punuar në fushë sintetike dhe nuk kemi pasur probleme. Më kanë thënë që nesër terreni do jetë i mirë. Shpresoj edhe kushtet atmosferike të jenë të mira dhe një fushë e mirë do na mundësonte të bënim një lojë të mirë në aspektin teknik.

FLAMURTARI, SI LUFTËTARI – “Nuk mund ta them, çdo skuadër ka karakteristikat e veta në bazë të lojtarëve dhe trajnerit. Nuk ka skuadra të njëjta, ka situata të ndryshme”.

RËNDDËSIA E GOLIT TË PARË – “E vërtetë që goli i parë e hap ndeshjen. Me të tilla skuadra është shumë e vështirë derisa shënon. Kur shënon bëhet më e lehtë. Duhet ta vlerësojmë maksimalisht. Me Kukësin ata kanë pasur shumë raste për gola, edhe pse pësuan. Nuk është ekip i lehtë që mund ta dominosh. Duhet impenjim maksimal për të zhbllokuar ndeshjen dhe për ta menaxhuar. Janë ndeshje delikate. Ky kampionat është ndryshe nga të tjerët, nëse e krahasojmë me Italinë. Nuk ka diferenca. Duhet të respektojmë veten dhe kështu respektojmë edhe kundërshtarin. Përballjet e vendit të parë me të fundit janë delikate”.

SOLOMON – “Nuk po ndodh asgjë, po kryen terapi. Për momentin nuk e di kur do të rikthehet, pas tre javësh, një, apo dy. Do e shohim hap pas hapi. Kote ka pasur një problem me gjurin, kurse Hakaj ka një ftohje. Do bashkohen me skuadrën kur të jenë gati”. /abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono