Partizani e “dogji” festën, Demi synon që klubi të kthehet në biznes

13:45 | 27/05/201913:450

Titulli kampion ishte vetëm objektivi i parë i Partizanit. Presidenti Gazmend Demi dhe drejtuesit e tjerë synojnë që klubi të kthehet në biznes, dhe të mos dalë më me humbje.

Nuk duhet të jetë një mbërritje, por një fillim.

Partizani kampion ishte një mision i madh i realizuar, por vetëm objektivi minimal për një klub me ambicie, dhe i drejtuesve të tij, si presidenti Gazmend Demi dhe drejtori sportiv Olsi Rama, pa harruar trajnerin Skënder Gega.

Për triumfin e pritshëm në Europë, ashtu si Skënderbeu këta vite, dhe për vazhdimësinë, duhet një model biznesi.

Është thënë shpesh se Demi nuk e kishte me qejf të vazhdonte tek Partizani, po tani?

Ish-drejtori sportiv i klubit, Dritan Dervishi, nuk i ndahet kryeqytetasve, edhe për punët e tij si gjahtar lojtarësh.

Një vlerësim vjen edhe nga një ish-rival, si lojtari e trajneri i dikurshëm i Tiranës, Shkëlqim Muça, sot shef i klubit shumësportësh Partizani.

Festa në shesh ishte përfundimi legjitim i një sezoni të madh, sipas standardeve të Superligës në Shqipëri.

Futbollistët, stafi teknik dhe drejtuesit ishin yjet protagonistë, por lumturia ishte sidomos e tifozëve që pritën 26 vjet për të mbërritur momenti i titullit.

Tepër shumë, sidomos për Partizanin, ndaj të kuqtë siç thotë shprehja, “e dogjën” festën dhe shpresojnë që sukseset thjesht vetëm të kenë filluar./ABC News Albania 24/7


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Të lidhura

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono