Asambleja e PS/Balla: Ministrat përgjegjës për situatën gri

10:32 | 06/01/2018

Punimet e mbledhjes  së Asamblesë Kombëtare të PS-së u hapën nga sekretari i përgjithshëm i PS Taulant Balla, i cili  bëri një përmbledhje të rezultateve të punës së strukturave partiake, ku nuk kurseu kritikat për një pjesë të tyre. Ndërsa theksoi rëndësinë e parapërgatitjeve për zgjedhjet e ardhshme lokale, Balla theksoi se PS do të jetë në koalicion vetëm me qytetarët, të cilet do të vlerësojnë performancën e çdo kandidati duke qenë vendimarrës në propozimet për listat e garës së ardhshme.

“I kërkoj asamblesë që sekretariatit t’i jepet një mundësi e dytë.

Doja që t’i propozojmë asamblesë shtimin e dy detyrave të reja, atë të sekretarit për marrëdhënieve ndërkombëtare, ku propozojmë zonjën Teuta Voda, aktualisht zëvendës ministre e Drejtësisë, e cila ka një përvojë të shkëlqyer në Parlamentin Evropian.

Bledi Çuci, të jetë sekretari për çështjet zgjedhore. Blerina Gjylameti, të vazhdojë detyrën për koordinimin elektoral që e ka kryer më së miri. Si dhe Gramoz Ruçi, të jetë anëtar i kryesisë së partisë”- tha Balla.

Kryetari i Asamblesë së Përgjithshme Taulant Balla bëri një analizë të Partisë Socialiste dhe kërkoi angazhim për shpërbërjen e situatës që e quajti “gri” të Partisë Socialiste. Ai tha se përgjegjës për këtë situatë janë ministrat të cilët mbajnë dhe detyrën e drejtuesit politik të qarqeve.

“Përgjegjësia individuale bie mbi çdokënd që nuk e ka bërë detyrën e vet por ajo politike bie në rradhë të parë mbi drejtuesit politikë të qarqeve, të cilët e kanë toleruar në përditshmërinë e punës së tyre këtë dobësi të rëndë dhe nuk i kanë qëndruar në kokë për t’i qëndruar rigorozë këtij procesi nga koka tek këmbët. Këtu më duhet të përsëris kryetarin e Partisë për ata kolegë, drejtues të qarqeve që kanë detyrën për të qenë ministra sepse ata kanë barrën më të madhe dhe hapësirën më të madhe për justifikim.

Përgjegjësia e drejtimit politik, angazhimi partiak në qarkun përkatës është prioritare dhe nuk mund të bjerë si rezultat i ngarkesave të tjera sepse ka kosto të madhe për integritetin e marrëdhënies së shumicës sonë qeverisëse, me popullin që na ka zgjedhur.

Duke i ftuar kolegët drejtues të qarqeve si dhe gjithë deputetët, drejtues të asamblesë për një reflektim serioz për gropat e lëna hapur në procesin e zgjedhjeve në parti deri tani, i propozoj kryetarit të partisë që kryesia të mblidhet sa më parë për të adresuar konkretisht problematikat që duhen drejtuar në 200 ditët e ardhshme në këtë drejtim themelor të bashkëqeverisjes sonë me njerëzit”- tha Balla.

Në raportimet e tyre në mbledhjen e Asamblesë Kombëtare përfaqësuesit e lartë të Partisë Socaliste parashtruan prioritet për periudhen në vazhdim./abcnews.al

 


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono