Parlamenti grek ratifikon marrëveshjen e Prespës me 153 vota pro

14:48 | 25/01/201914:480

Greqia hodhi një tjetër hap historik në marrëdheniet me Maqedoninë fqinje, duke ratifikuar në Parlamentin e vendit Marrëveshjen e Prespës. Marrëveshja për emrin e Maqedonisë mori 153 vota në Parlamentin grek, ku deputetët e Agimit të Artë u përpoqën të shkaktojnë tensione.

Edhe jashtë Parlamentit pati protesta nga kundërshtarët e marrëveshjes. Parlamenti grek ka miratuar të premten Marrëveshjen e Prespës, vënia në jetë e së cilës i jep fund kontestit midis Athinës dhe Shkupit për emrin kushtetues të Maqedonisë.

Marrëveshja u votua nga 153 deputetë. Kundër votuan 146 dhe pati edhe një abstenim. Si rrallëherë, në procesin e votimit morën pjesë të 300 deputetët e Parlamentit.

Procesi i votimit u shoqërua nga tensione që shkaktuan deputetë të Agimit të Artë. Ndërsa vazhdonte seanca, para parlamentit ishin tubuar disa dhjetra qytetarë që protestonin kundër marrëveshjes.

Ata thërrisnin “tradhtarë e të shitur”, duke etiketuar kështu votuesit e marrëveshjes. Ata ishin më të pakët se policët që ishin dislokuar për mbrojtjen e parlamentit, ndërkohë që në rrugët përreth ishte ndaluar qarkullimi i mjeteve.

Duke apeluar ndaj gjithë deputetëve që të votonin në favor të marrëveshjes, kryeministri Tsipras theksoi se “tashmë është koha që të dalim nga rrethi vicioz i nacionalizmave”. “Historia jonë është shpirti ynë dhe ne po e rimarrim atë. Nuk do të mundet askush ta uzurpojë”, deklaroi Tsipras nga tribuna e parlamentit.

Shefi i opozitës e cilësoi marrëveshjen si një turp kombëtar. Ai paralajmëroi se po të vijë në pushtet mund ta bllokojë me veto në çdo moment anëtarësimin e Maqedonisë në BE. Pas miratimit të Marrëveshjes së Prespës nga parlamenti grek, do të pasojnë hapat e tjerë për implementimin saj.

Nga vendet anëtare të NATO-s do të bëhet nënshkrimi formal i protokollit të anëtarësimit dhe pastaj ratifikimi i këtij protokolli edhe nga parlamenti grek. Ky do të jetë dhe akti që do të inicojë procedurat për ndryshimin e emrit të vendit fqinj në “Republika e Maqedonisë Veriore”.

Vetëm atëherë, presidenti i republikës greke do të dërgojë protokollin e ratifikuar në Uashington, me qëllim që procesi i anëtarësimit të Maqedonisë në NATO të ratifikohet edhe nga vendet e tjera anëtare./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono