Pahor, apel politikës kosovare: Zgjidhni mosmarrëveshjet

11:28 | 13/02/2018

Presidenti i Sllovenisë Borut Pahot ndodhet për një vizitë zyrtare në Kosovë ku është takuar me homologun e tij Thaçi, kryeministrin Haradinaj dhe kryetarin e parlamentit Kadri Veseli. Në fjalëne tij në parlamentin e vendit ai u bëri apel politikanëve që të zgjidhnn të gjitha mosmarrëveshjet sa më shpejt.

Presidenti slloven, Borut Pahor, i bëri apel politikës kosovare që të zgjidhë të gjitha mosamrrëveshjet përfshirë dhe atë për demarkacionin me Malin e Zi. I ndodhur në Kosovë për një vizitë zyrtare ai foli në parlamentin e vendit duke I premtuar deputetëve se Sllovenia do të mbështesë gjithmonë Kosovën.

Borut Pahor, President i Sllovenisë: “Erdha në Kosovë si shok, si president i një shteti që ka marrëdhënie të mira me shtetin tuaj. Unë erdha në prag të 10 vjetorit të pavarësisë që ne të përforcojmë marrëdhëniet e mira. Pranoni urimet e mia më të sinqerta për të ardhmen tuaj të ndritur. Sllovenët dhe kosovarët e kuptojnë sakrificën drejt pavarësisë.

Pahor foli dhe për të drejtat e minoriteteve, duke thënë se ajo është njëra ndër detyrat më të rëndësishme që duhet të përmbushet.

Borut Pahor, President i Sllovenisë: “Unë erdha në Kosovë si shok i kosovarëve, serbëve dhe gjithë minoriteteve që jetojnë këtu. Unë si mik ju inkurajoj që të vazhdoni bisedimet dhe të respektoni marrëveshjet pasi kjo është e rëndësishme për një stabilitet politik në të gjithë rajonin dhe në veçanti për Ballkanin perëndimor. Ju jeni të vetëdijshëm për përkrahjen e Sllovenisë dhe timen personale për të arritur paqe për të gjithë Ballkanin perëndimor dhe në veçanti Kosovën

Presidenti slloven shtoi se është e rëndësishme që vendi të zgjidhë të gjitha mosmarrëveshjet, edhe ato për demarkacionin me Malin e Zi.

Borut Pahor, President i Sllovenisë: “Unë i kuptoj vështirësitë e kësaj çështjeje dhe ju rekomandoj që të mos hezitoni të miratoni marrëveshjen. E di se sa është e vështirë për ju, për parlamentin, por nuk ka mënyrë tjetër, nëse ne duam që të arrijmë stabilitet në rajon

Pas fjalës së presidentit slloven parlamenti i Kosovës ka vijuar seancën sipas pikave në rend të ditës./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono