Operacioni “Anti-KÇK”, retorika dhe betejat në 6 vite të kryeministrit Rama me krimin

15:27 | 08/02/202015:270

Në vitin e shtatë si kryeministri Edi Rama ende sillet, si të ishte në fillim të mandatit të parë. Vazhdon të mbështetet tek pika e tij e fortë, imazhi, si dominues ndaj përmbajtjes.

Njohës i mirë i opinionit publik, Edi Rama di të prekë pikat e ndjeshme, sidomos interesin publik për spektakël, që i kombinuar me forcën e pushtetit, maksimizon efektin e operacionit të radhës të imazhit të një kryeministri që ka edhe kostot e mbi 6 viteve përgjegjësi qeverisëse mbi shpinë.

E tillë duket iniciativa “Anti-KÇK”, që dominoi debatin publik javën politike që lamë pas, e cila po përcillet me mesazhe të përmbajtura nga ndërkombëtarët e kritika të forta nga juristë, gazetarë e vetë opozita.

Emërtimi folklorik “Kap Ça të Kapësh”, u shpall së pari tetorin e kaluar, teksa kryeministri iu rikthye akuzave ndaj prokurorit të Durrësit Arian Ndoj, që kishte kërkuar e marrë urdhër arresti për drejtorin e kadastrës së Durrësit.

“Ka ardhur koha që të reagojmë me forcë ndaj prokurorëve e gjykatësve që nuk kalojnë vettingun, KÇK”, tha Rama në tetor të vitit 2019.

Një muaj më vonë kryeministri Rama kultivonte kuriozitetin publik.

Prezantimin e asaj, që tani e quan paketa anti KCK e bëri në stilin e one man show.

Në fakt nuk e paraqiti, aq shpejt sa e deshi. Gati dy muaj më vonë, Km ende premtonte paketën, që thoshte se po e përgatiste me ndërkombëtarët…

Ndiqni të plotë emisionin “Politika në Abc News” të përgatitur nga gazetarja Mimoza Koçiu:

 

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono