Ofendoi Erdogan, gjykata dënon me burg aktoren

21:45 | 21/07/2019

Gjykata e Apelit në Turqi ka miratuar dy ditë më parë dënimin me 11 muaj e 20 ditë burg për këngëtaren dhe aktoren turke, Zuhal Olcay, për fyerjen publike që i bëri Presidentit të vendit, Recep Tayyip Erdogan 3 vjet më parë.

Siç shkruan BBC turk, më 5 gusht 2016, Olcay performonte në një skenë, në Stamboll, duke bërë gjeste me dorë kundër Presidentit Erdogan.

Mjaftoi një denoncim në polici dhe hetimet çuan deri në vërtetësinë e ngjarjes. Sipas dëshmive, aktorja dhe këngëtarja kishte ndryshuar tekstet e këngëve të saj dhe i kishte “përshtatur” me fjalë e gjeste kundër Presidentit. Prokuroria, si fillim, kërkoi 1 vit e 2 muaj deri në 4 vite e 8 muaj burg për artisten, me akuzën për “fyerje publike” ndaj Presidentit.

Olcay u dënua me 10 muaj burg, ndërsa pas apelimit, dënimi iu shtua në 11 muaj e 20 ditë burg.

Vendimi u apelua nga avokatët e kreut të shtetit turk, të cilët e dërguan çështjen në Gjykatën Supreme të Apelit, e cila mori së fundi vendimin për dënim me burg.

Sipas Haberturk, Olcay duke ka shprehur pendesën për veprimin e saj duke theksuar se “ishte një veprim impulsiv” dhe se “ka ndryshuar tekstin sepse emri i Presidentit përshtatej me rimën”.

Aktorja dhe këngëtarja 61-vjeçare ka luajtur në më shumë se 15 seriale që prej vitit 1980. Roli i saj i fundit është ai i Sureyasë në serialin “Shoqëria e Lartë”.



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono