“O Kadastra, o miqtë”, Lame tregon sfidat e reja: Hapet gara për 74 specialistë

10:58 | 11/09/2019

Agjencia Shtetërore e Kadastrës ka çelur garën për 74 vende të lira pune. Hapjen e konkursit e njoftoi drejtori Artan Lame, i cili gjithashtu i bëri thirrje politikanëve të mos ndërhyjnë për të punësuar të njohur të tyre.

Një vale shkarkimesh pritet të përfshijë Agjencinë Shtetërore të Kadastrës. Artan Lame doli personalisht për të njoftuar dy sfidat kryesore të institucionit që drejton. Njëra prej tyre është ngritja e nivelit profesional të punonjësve.

“Në këtë pikë mjafton të them se sot agjensia ka rreth 400 juristë të të gjitha shkollimeve, që nga ata me shkolla të mbaruara jashtë, e deri te ata me pasqyra e xhamlleqe. Dhe, me gjithe këta juristë, i vetmi rezultat ka qenë hapja e mijëra gjyqeve për çështje pronësie, me pasojat e trishta që i dimë të gjithë.

Po ka edhe më keq se juristët, pasi gjenden pa fund ekonomistë e biologë, historianë, sociologë, psikologë, e ku di unë çfarë tjetër, duke lënë në minorancë profesionet bazë të Kadastrës.

Nuk po i hyj këtu analizës se si është arritur ky deformim 20 vjeçar por, me keqardhje për fatin personal të secilit, deklaroj se reforma për rritjen e profesionalizmit do të vijojë.”

Rishikimi i hartave të pronave me probleme në të gjithë vendin është sfida tjetër e Agjencisë Shtetërore të Kadastrës. Kjo sipas Lames kthen në domosdoshmëri tërheqjen e profesionistëve të fushës prandaj si drejtues i Agjencisë hapi garën për punësimin e 74 specialistëve.

“-Inxhinier ndërtimi;

-Arkitekturë;

-Urbanistikë;

-Gjeoinformatikë;

-Gjeodezi;

-Topografi.

Saktësoj, jo punonjës me kontratë, por punonjës në strukturë”.

Bashkë me thirrjen drejtuar të rinjve për të konkurruar Drejtori i Agjencisë Shtetërore të Kadastrës kishte një apel dhe për familjaret, miqtë, të njohurit, deputetët dhe ministrat.

“Ju lutem mos më ndërhyni për punësime. Shteti shqiptar, kadastra shqiptare dhe unë duam profesionistë, jo miq.

O më thoni të bëj Kadastrën, o më thoni të bëj qokat e miqtë, të dyja nuk bëhen dot!”


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono