Nxënëset e aksidentit në Skrapar: Pamë tmerr

14:07 | 13/03/2018

Policia ka arrestuar shoferin që shkaktoi aksidentin e një dite më parë ku dhjetë nxënës u plagosën. Ndërkohë dy vazja që janë të shtruara në spitalin e Beratit tregojnë tmerrin që panë kur mikrobuzi që po i çonte në shkollë përfundoi në përrua.

Nxënësit në Skrapar që të hënën përfunduan me mjetin e shkollës në përrua thonë se panë tmerr me sy.

Makina pasi doli nga rruga u rrokullis katër herë dhe në fund u shemb në thellësi.

Dy nga vajzat në spitalin e Beratit tregojnë se ishin të përfshirë në panik dhe mendonin se ndonjë prej tyre do të kishte humbur jetën.

“Kur morëm kthesën nuk i kapën frenat dhe ramë poshtë, ishim 26 veta, vetëm nxënës shkolle, gjimnazistë dhe 4 të nëntëvjeçares”

“Pamë tmerr, nuk di ç’të them, u rrotulluam katër herë, pastaj zbritëm, dolëm vetë, nuk kishte më keq, erdhën ambulanca e makina të rastit”.

Një ditë më pas Policia e Skraparit arrestoi shoferin e mikrobusit që u përmbys e për pasojë dhjetë nxënës u plagosën.

Ai është Astrit Hysi 52 vjeç nga Vërzhezha e Skraparit dhe akuzohet për shkelje të rregullave të qarkullimit.

Arrestimi i tij u bë pasi në rrugën dytësore Vërzhezhë –Çorovodë në vendin e quajtur Kthesa e Minos, duke drejtuar mjetin tip benz autobus, humbi kontrollin dhe doli nga rruga duke u përmbysur në përrua, njofton policia.

Në mjet ndodheshin 25 nxënës, dhjetë u plagosën, një prej tyre në gjendje më të rëndë, e shtruar në spitalin e Traumës në Tiranë.

Ato ishin duke shkuar si çdo ditë në shkollë. /abcnews.al

 




Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono