Një yll i ri po lind në Turin e Francës

22:13 | 20/07/201922:130

Një yll i ri duket se po lind në Turin e Francës. Çiklisti vendas, Zhylian Alafilip fitoi etapën e 13-të duke thelluar epërsinë në kryesim

Ka 34 vjet që kombi krenar po e pret një kampion. Asnjë çiklist vendas nuk ka fituar në Turin e Francës që nga viti 1985, kur për herë të fundit ia doli legjenda Bernar Hino, por duket se ditët e këqija po mbeten pas.

Një yll i ri francez po lind, ky është Zhylian Alafilip, i cili dha një tjetër provë se mund të quhet favorit për triumfin përfundimtar. Ai fitoi etapën e 13-të, kronometrin individual, duke treguar se nuk është i zoti vetëm në terren fushor apo në malore, por edhe në sfidën e vetmuar me kohën.

Një kampion i madh duhet të jetë pikërisht i tillë. Alafilip la pas me 14 sekonda britanikun Xhereint Tomas, pretendentin e madh dhe fituesin e Turit vitin e kaluar, dhe tani epërsia e francezit është plot 1’26”.

Ende jo një diferencë vendimtare, ndërsa provat e vështira do të vazhdojnë të jenë në malet e Pirenejme dhe të Alpeve. Alafilip nuk është ndonjë talent I ri që shpërthen papritur dhe që mund të bëjë epokë.

Ai është 27 vjeç, por gjithsesi nëse nis të fitojë, ka shanse të dominojë për shumë kohë. Prova e tij e parë e madhe do të jetë etapa e radhës, ajo e 14-ta, tepër e fortë në Pirenej, ku çiklistët do të kalojnë edhe në ngjitjen legjendare të Turmajesë./ABC News Albania 24/7


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Të lidhura

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono