Një talent shqiptar për Realin e Madridit

15:24 | 25/03/2019

Një futbollist i vogël me origjinë shqiptare ka tërhequr vëmendjen e Realit të Madridit. Olge Balliu, 13-vjeçar, ka kaluar me sukses dy prova në klubin e madh spanjoll.

Një aftësi të tillë padyshim nuk e ka as Mesi. E ka sidoqoftë një fëmijë me origjinë shqiptare, lindur në Itali, me emrin Olge Balliu. Djali i një emigrant shqiptar, që shkoi në Itali përpara viteve 2000, ka tërhequr vëmendjen e klubit më të madh të futbollit botëror, Realit të Madridit, që po interesohet për të.

Babai i tij tij, Lulzimi, tregon për mediat italiane se bashkë me të birin 13-vjeçar shkoi në kampingun e Realit, në Kurtarolo të Italisë dhe se aty trajnerët u habitën me aftësinë e Olgit. Familja shqiptare pagoi 200 euro për t’u pranuar në kamping, por duket se ky ishte një investim i suksesshëm. Balliu i vogël, që luan si futbollist krahu për ekipet e moshave të klubit të Çitadelës në Itali, mori një ftesë për në kompleksin e klubit të shquar spanjoll, bashkë me gjashtë fëmijë të tjerë.

Fillimisht, xhongleri 13-vjeçar shkoi në Madrid në Korrik të vitit të kaluar, ndërsa këtë vit pati ftesën e dytë në 4 Janar. Gjithsesi, Olge i vogël duhet të presë, pasi rregullat e UEFA-s janë të qarta. Duhet të kalojnë 3 vjet, pra ai të mbushë 16 vjeç, që të mund të fitojë një kontratë dhe të largohet nga familja.

Prindërit po mendojnë të zhvendosen për në Spanjë, që tani, veçse e dinë se nuk do të jetë e lehtë. Gjithsesi, Balliu i vogël mund të ketë të ardhme të madhe, tek Reali apo në ndonjë klub tjetër të rëndësishëm. Ai thjesht duhet të stërvitet dhe të presë./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono