Një shqiptar në krah të një serbi në Serinë A për të rinj në Itali

17:45 | 12/02/201917:450

Një futbollist shqiptar ka mbrojtur një lojtar serb, në një ndeshje për të rinjtë në Itali. Erald Lakti kërkoi ndërprerjen e ndeshjes së Fiorentinës në fushën e Torinos, në Serinë A.

Nuk ngurroi t’i dilte në krah shokut të tij të skuadrës. Futbollisti shqiptar, Erald Lakti, kërkoi ndërprerjen e ndeshjes së Shpresave në Serinë A në Itali, pas ofendimeve raciste ndaj sulmuesit serb, Dushan Vlahoviç.

Ndeshja ishte në Torino, dhe disa nga tifozët vendas sulmuan verbalisht shënuesin e golit të parë të Fiorentinës.

Lakti me numrin 8, që është edhe kapiten i skuadrës vjollcë, kërkoi ndërprerjen e ndeshjes, por kjo gjë nuk ndodhi.

“Cigan, kthehu në shtëpinë tënde, ishin fjalët ndaj Vlahoviçit, sipas faqes në FB, “Forca Fiorentina 1926”, që shton se “nuk ka nevojë për komente për fjalë të tilla, nga ata që nuk mund t’i quash tifozë”.

“Vlahoviçi i shënon gol intolerancës dhe racizmit në Torino, – shkruan “fiorentina.it”, – shënon në fushë dhe jashtë saj”!

Fiorentina ia doli të fitonte 2-1, duke kaluar një rival direkt e duke u ngjitur në vendin e dytë. Javën e ardhshme, skuadra e Laktit do të ndeshet me kryesuesen e kampionatit, Atalantën. Erald Lakti është një shqiptar i lindur në Itali dhe që prej vitit 2017 është pjesë e Fiorentinës.

Luan si mbrojtës i djathtë, ose mesfushor, dhe besohet se në të ardhmen do të jetë pjesë e kombëtares shqiptare. /abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono