Një çerek shekulli burg për Klement Çalën

19:09 | 14/11/201719:090

Gjykata për Krimet e Rënda dënoi me 25 vjet burg Klement Çalën, i akuzuar për disa vepra penale të kryera gjatë arratisjes së disa të dënuarve nga burgu grek i Trikallës. Çala u gjykua në mungesë. Në shkurt të këtij viti ai u dyshua si pjesëmarrës në supergrabitjen e 3.2 milionë eurove në rrugën e Rinasit.

Ky ishte verdikti i Gjykatës së Shkallës së Parë për Krimet e Rënda për Klement Çalën. Ai u fajësua për disa vepra penale të konsumuara gjatë arratisjes së dhunshme nga burgu i Trikallës në Greqi në mars të vitit 2013. Çala u gjykua në mungesë, në një procedim penal të veçuar nga të bashkëarratisurit me të nga burgu grek, mes të cilëve edhe Ilir Kupa. Shqyrtimi i akuzave të tij u bazua në aktet hetimore të përcjella me letërporosi nga ana e autoriteteve greke.
Sipas vendimit të shpallur të martën Çala u shpall fajtor për largimin nga qelia dhe për vrasjen e mbetur në tentative të dy policëve të burgut gjatë arratisjes, vepra këto të kryera në formën e grupit të stukturuar kriminal.
Ai fitoi pafajësi vetëm për akuzën e “mbajtjes pa leje të armëve luftarake”. I pandehuri Klement Çala u dënua përjetë, por për shkak të aplikimit të gjykimit të shkurtuar, përfundimisht dënimi i tij u ul në një çerek shekulli.
Ndërkohë që eshtë person në kërkim për ngjarjen e shënuar në shtetin fqinj emri i Çalës kthye në qendër të vemendjes në shkurt të këtij viti. Prokuroria ngriti dyshime se ai ishte një nga anëtarët e grupit kriminal që grabitën 3.2 milionë euro në blindin e një banke të nivelit të dytë në rrugën e Rinasit./abcnews.al

 

 

 

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono