“Një biletë për në hënë”, miliarderi japonez kërkon një shoqëruese për udhëtimin e tij

12:17 | 13/01/202012:170

Jusaku Maezaua, miliarderi 44 vjeçar japonez i cili ka krijuar pasurinë e tij falë platformës për blerjet on line Zozo, është sërish në qendër të vëmendjes.

Vetëm disa ditë më parë ai deklaroi se do të dhuronte 8 milion dollarë për një mijë persona mes atyre që do të ripostonin një mesazh të tijin në rrjetet sociale.

Tashmë ai ka hapur garën në kërkim të shpirtit binjak që do e shoqëronte në udhëtimin për në Hënë në vitin 2023.

44 vjeçari ka prenotuar dy vende të disponueshme për udhëtimin e organizuar nga Space X i Elon Musk që do të çojë për herë të parë, në mënyrë private, njerëz në hënë. Ndarja me  të fejuarën e tij, një aktore japoneze 27 vjeç, ka lënë një vend të lirë.

Por miliarderi nuk i ka humbur shpresat, dhe për të mos përballuar i vetëm aventurën në hapësirë, ka shpallur hapjen e një konkursi i cili do të dokumentohet, në kërkim të një shoqërueseje për udhëtimin në hënë.

Kriteret për të fituar këtë konkurs janë të thjeshta, dhe të publikuara on line: vajza duhet të jetë beqare, të jetë mbi 20 vjeç, me personalitet të fortë, pozitive, e gatshme për t’u përballur me udhëtimin në hapësirë dhe të dëshirojë paqen në botë./abcnews.al


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono