Nis spektakli “Virtuozët” në TV Klan, rekord audience që në natën e parë


15:59 | 12/02/2018

“Virtuozët”, spektakli më i madh në vend për zbulimin e talenteve të reja në formatin klasik, në disiplinat e baletit, kantos dhe instrumentit, shënoi rekord audience, që në natën e parë, siç e paraqet edhe grafiku i matjes së shikueshmërisë. Ky format unik, solli para publikut në Televizionin Kombëtar Klan, për herë të parë në rolin e prezantueses, sopranon me famë nderkombëtare, Inva Mula.

Ka nisur rrugëtimi i një prej spektakleve më të mëdha të zbulimit të talenteve të kantos, instrumentave dhe baletit klasik në Televizionin Kombëtar Klan.
Për herë të parë, diva e muzikës klasike, Inva Mula, është vënë në rolin e prezantueses, e cila ka mbështetur fort 10 virtruozët e parë në balet, kanto dhe instumente.

Pas interpretimit, konkurrentët u përballën me një juri profesionale nga emra të njohur ndërkombëtarisht si sopranoja, Miriam Tole , balerina Anbeta Toromani dhe nga kompozitori, por edhe pianisti, Genc Tukici.
Spektakli i zbulimit të talenteve, që në takimin e parë me spektatorin ia ka dalë të shënojë rekorde audience. Siç shihet edhe nga grafiku.

Performancat e artistëve u shoqëruan nga orkestra profesioniste nën drejtimin e Suzana Turkut dhe francezit Gerhard Akoka.
“Vituozët” vazhdon edhe për 9 javë në Televizionin Kombëtar Klan me drejtimin e spektaklit nga sopranoja e njohur Inva Mula, skenar Pandi Laço dhe regji të Bledar Laços. Ky spektakël, përpos emocionit, etheve të garës, përcolli edhe veçanti sociale dhe edukues./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono