Nis hetimi parlamentar për Metën, raporti i komisionit në fund të shtatorit

14:10 | 11/07/201914:100

Komisioni Hetimor Parlamentar për shkarkimin e Presidentit të  Republikës zhvilloi sot mbledhjen e parë. Hetimi do të përfshijë mbledhjen e dokumenteve në Presidencë dhe në KQZ, ndërsa vetë Ilir Meta do të ftohet të japë shpjegimet e tij përpara komisionit.

Ky është komisioni i parë hetimor që ngrihet më qëllim shkarkimin e Presidentit të Republikës. Ulsi Manja dhe Alban Zeneli do të drejtojnë punën hetimore, me sekretare komisioni Klotilda Ferhatin.

Në mbledhjen tjetër, komisioni do të miratojë rregulloren e punës dhe planin hetimor.

Komisioni do të mblidhet disa herë gjatë muajit korrik. Sic ka mësuar ABC Neës plani hetimor do të përfshijë: administrimin e dokumenteve presidenciale, marrjen e procesverbaleve të KQZ-së në mbledhjen ku e konsideruan nul dekretin për anulimin e 30 qershorit, do të ftohet në dëgjesë Presidenti i Republikës, si dhe do të ftohen në seancë dëgjimore ekspertë kushtetues, nëse do të vlerësohet e nevojshme.

Pas pushimeve të gushtit, komisioni do të rifillojë punën me qëllim përmbylljen e raportit në shtator.

/ABC news Albania 24/7

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono