Nga Serie D në kombëtare, historia e jashtëzakonshme e shokut të Ndojit

21:12 | 09/11/201921:120

Roberto Mancini vendosi t’i dhurojë emocionet e grumbullimit me kombëtaren tre lojtarëve të rinj. Castrovilli është zbulimi i Fiorentinës në këtë sezon, Orsolini po bën mirë prej kohësh me Bologna, ndërsa surpriza e madhe quhet Andrea Cistana.

22-vjeçari aktivizohet në rolin e qendërmbrojtësit tek ekipi i Brescias (bën mirë edhe mbrojtësin e majtë). Cistana është një pikë e fortë e “Dallëndysheve” në këtë sezon, teksa gjeti golin e parë në Serie A në humbjen 3-4 kundër Bolognës.

Mancini ka vlerësuar paraqitjet e tij dhe ka vendosur ta shpërbleje me grumbullimin me Italinë. Historia e tij është e jashtëzakonshme dhe konfirmon edhe njëherë tjetër që askush nuk duhet të heqë dorë nga ëndrrat e tij dhe duhet të punojë fort për t’i realizuar.

Cistana luante në Serie D përpara dy vitesh. Në majin e vitit 2017, ai mbylli sezonin në divizionin e katërt të futbollit italian me ekipin e Ciliverghe Mazzano. Më pas rikthimi në shtëpi te ekipi të rinjve të Brescias dhe kalimi në Serie C te Prato.

Aventura e fundit bindi presidentin Cellino ta riktheje te Brescia, klub ku u arrit dhe me të cilin është tifoz që i vogël. Sezonin e kaluar luajti në Serie B dhe së bashku me Brescian arritën kalimin në elitë. Tani po luan në Serie A dhe është gati të debutojë me kombëtaren në ndeshjen kundër Bosnjës ose Armenisë.

Një rrugëtim i pabesueshëm. Cistana ka kaluar brenda 30 muajve nga serie D te 4 herë kampionët e botës. Shoku i Emanuele Ndojit ia doli dhe po shijon frytet e sakrificave dhe besimit të palëkundur. /abcnews.al


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Të lidhura

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono