Në Çermenikë, banorët kanë nisur ta quajnë “nga të kuqe të zezë”

19:16 | 03/08/2019

Banorët nuk e thërrasin më si dikur “Çermenika e kuqe”, por për shkak të varfërisë dhe papunësisë e quajnë “Çermenika e zezë”. Abcneës ishte aty për të parë nga afër si jetojnë banorët.

Historia e qytetit të Librazhdit është e re, por trevat e tij kanë një histori te lashtë.

Gjurmët më të hershme të banimit gjenden që në periudhën e Gurit të Vjetër (Paleoliti).  E tillë është edhe krahina e Çermenikës.

Një zonë me 11 fshatra dhe 7 mijë banorë. Dikur ishte baza e Luftës Nacional Çlirimtare. Atje ku nënë Zyraja theri dhinë e vetme për  Enver Hoxhen. Mbas çlirimit nuk u investua vetëm se quhej “Çermenika e Kuqe” dhe vendasit krenoheshin me figurën e udhëheqësit. Të afërmit e “Nënë Zyrasë” morën disa bursa, por rrugë nuk u shtruan. Sot ata që banojnë aty i thonë “Çermenika e Zeze”.

Shpëtimi i vetëm është emigrimi. Nuk ka investime në bujqësi dhe as rrugë. Në të shumtën e kohës njerëzit lëvizin me kafshë. Ashtu transportojnë edhe ushqimet apo mallrat. Për të shkuar në spital në qytet zgjidhja duhet të gjendet nga vetë ata.

I vetmi që ngushëllon këta njerëz të braktisur është një mjek i papërtueshëm. U gjendet afër të moshuarve dhe mundohet të shkojë shtëpi më shtëpi.

Kjo krahinë e bukur por e mjerë për njerëzit, në gjysmën e parë të shek. XVII  kishte formën e vet të vetëqeverisjes, atë të Kanunit të Çermenikës.  Ligjvënësi popullor më i njohur në Çermenikë dhe jashtë saj ka qenë Mus Ballgjini nga fshati Gurakuq, prej të cilit, e drejta zakonore e Çermenikës, u quajt “Kanuni i Mus Ballgjinit”.
Në gjysmën e parë të shekullit XIX në Çermenikë shpërtheu një kryengritje e madhe kundër zbatimit të reformave të Tanzimatit./ABC News Albania 24/7


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono