Ndërron jetë në moshën 78 vjeçare legjenda e futbollit Fatmir Frashëri

20:17 | 19/07/201920:170

Ka ndërruar jetë në moshën 78 vjeçare legjenda e futbollit shqiptar, Fatmir Frashëri. Ish mbrojtësi ka mbajtur veshur fanellën e dy skuadrave kryeqytetase Tiranës dhe Partizanit.

Futbolli shqiptar në zi. Pasditen e kësaj të premteje është ndarë nga jeta në moshën 78 vjeçare legjenda Fatmir Frashëri. Në karrierën e tij të lavdishme, Frashëri ka luajtur si mbrojtës në skuadrën e 17 Nëntorit të viteve ‘60 e më pas u transferua për dy sezone tek skuadra e Partizanit për të kaluar sërish tek Tirana në vitin 1964 deri në vitin 1972 kur mbylli karrierën. Legjenda e futbollit shqiptar ka fituar gjithësej 6 tituj kampionë, 4 me skuadrën e Tiranës dhe 2 me Partizanin.

Një nga kolosët e futbollit shqiptar përfaqësoi ngjyrat e kombëtares për 7 vite me radhë duke regjistruar 12 prezenca. Pasi mbylli aventurën si futbollist, Frashëri iu përkushtua rolit të trajnerit. Në katër periudha të ndryshme drejtoi skuadrën e tij të zemrës, Tiranën ndërkohë që aventurën si trajner e vazhdoi edhe tek Besa, Naftëtari dhe Dinamo ku arriti të fitonte një titull kampion.

Historia do ta mbajë mend legjendën shqiptare për sfidat në derbin e kryeqytetit kundër Panajot Panos dy prej futbollistëve më të dalluar në atë periudhë.

Ish mbrojtësi është vlerësuar me titujt “Mjeshtër i Madh” dhe “Mjeshtër i Merituar”. /ABC News Albania 24/7


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Të lidhura

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono