Ndërron jetë Andi Maloku, shoferi i Prokurorit Ndoj

18:58 | 07/11/201918:580

Një javë pas atentatit ndaj mjetit që ai drejtonte, ndërroi jetë shoferi i prokurorit Arjan Ndoj, Andi Maloku. Lajmi është konfirmuar nga familja e tij. Gazetari ABC News Andi Qosja raporton se 30 vjeçari ndërroi jetën pasditen e sotme te Spitali i Traumës në Tiranë, pas komplikacioneve.  Andi Maloku u qëllua me breshëri kallashnikovi dhe mori 24 plumba.

Ai u plagos rëndë në atentatin e 1 nëntorit, pasi plumbat e kishin kapur në shtyllën kurrizore dhe në mushkëri.

Maloku ishte sjellë në spitalin e Traumës në Tiranë, kur për 7 ditë qëndroi nën kontroll dhe terapi intensive nga mjekët. Por nuk mundi t’u mbijetojë plagëve të marra.

Ngjarja ndodhi të premten e 1 nëntorit te mbikalimi i Shkozetit. Në këtë atentat mbetën të plagosur prokurori Arjan Ndoj dhe Pëllumb Muharremi. /abcnews.al

 

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono