Ndërrimi i kabinetit, Brahimllari: Rama është në grahmën e fundit

16:39 | 28/12/2018

“Ai po përpiqet që t’i bëjë këto lëvizje për të hequr vëmendjen e tij”.

Është ky mendimi i deputetit të Lëvizjes Socialiste për Integrim, Endrit Brahimllari, pas vendimeve të Ramnës për të ndryshuar një pjesë të ministrave. Megjithatë, sipas tij edhe kjo lëvizje nuk është e duhura, pasi emrat e rinj që do të bëjnë kabinetin nuk janë as profesionistë në fushat e tyre përkatëse.

“Sot kemi një kabinet që nuk është kabinet. Këta nuk bëjnë dot qeverinë, nuk e drejtojnë dot Shqipërinë në sfidat që ka vendi. Nuk janë as profesionistë në fushat përkatëse. Kemi Niko Peleshin me Bledi Cuçin për shkak të intersave të Edi Ramës”, u shpreh deputeti gjatë një interviste në ABC News.

Më tej, ai shtoi se qeveria është privatizuar nga Rama. Madje, për Brahimllarin kjo lëvizje e kryeministrit është për t’i dhënë kohë vetes, pasi ai e ka kuptuar që qeverisja po i kufizohet.

“Edi Rama e ka privatizuar këtë qeverisje. Sot shqiptarët do ndiheshin më krenarë nëse do kishim një kabinet me njerëz të fortë. Ky nuk i vendos këta sepse nuk ka reforma. Nuk vendosi figura të forta. E shkatërroi edhe atë pak PS që ka ngelur. E ktheu te oligarkia, te interesi personal.

Edi Rama është në grahmën e tij të fundit. Ai kërkon kohë. Është i vetëdijshëm që qeverisja e tij po kufizohet. Veprimi që bëri është për t’i dhënë kohë në qeverisjen e vendit”, u shpreh Brahimllari.

Arsyeja kryesore e këtyre vendimeve sipas deputetit është protesta e studentëve. Në Janar theksoi ai, qeveria do të marrë goditjen përfundimtare.

“Qartazi që protesta e studentëve është goditja më e rëndë që Rama ka marrë. Nuk është një shuplakë. Është një grusht shumë i rëndë dhe në Janar, ai do të marrë goditjen përfundimtare”, u shpreh ai./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono