Ndërhyrja ushtarake në Siri, May: Ishte gjëja e duhur


18:38 | 16/04/2018

Kryeministrja britanike ka mbrojtur ndërhyrjen ushtarake në Siri. Në një raportim në Parlament, Theresa May ka deklaruar se në vendimin e saj kishte marrë parasysh interesat kombëtare të Britanisë dhe jo kërkesën e presidentit Donald Trump.

Kryeministrja britanike ka deklaruar se Mbretëria e Bashkuar kishte të gjitha të drejtat morale dhe legjitime për t’iu bashkuar sulmit të aleatëve në Siri. Në një fjalim të mbajtur të hënën në Parlament, Theresa May tha se, provat për përfshirjen e regjimit të Assad në sulmin me armë kimike në Duma ishin më se të qarta dhe se vuajtjeve të popullsisë vendase i duhej dhënë fund. May bëri me dije se Britania e Madhe kishte provuar të gjitha kanalet diplomatike, por në fund, me keqardhje, vendosi se nuk kishte alternativë tjetër përveç sulmeve të koordinuara kundër objektivave të caktuar. Në reagimin e tyre, partitë e opozitës argumentuan se kryeministrja duhet të ishte konsultuar me ta para se të ndërmerrte ndonjë veprim. Por, sipas BBC, sa i takon aspektit ligjor, shefes së qeverisë nuk i nevojitet konsultimi me Parlamentin përpara se të vendosë kryerjen e një aksioni ushtarak, edhe pse praktika ndiqet që prej vitit 2003, kur nisi pushtimi i Irakut. Në fjalimin e saj, zonja May theksoi se ishte në interesin kombëtar të Mbretërisë së Bashkuar për të vepruar dhe jo sepse një gjë të tillë e kishte kërkuar presidenti Trump. Ajo shtoi se sulmet e Perëndimit ishin gjëja e duhur për t’u bërë, pasi siç tha, përdorimi i armëve kimike nuk mund të kthehet në praktikë normale as në Siri dhe as kudo tjetër. /abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono