Ndalohet udhëtimi në këtë qytet kinez, shkak virusi

15:20 | 22/01/202015:200

Autoritetet kineze u kanë kërkuar qytetarëve që të ndalojnë udhëtimin brenda dhe jashtë Wuhan, qyteti ku është përhapur virusi i cili u ka marrë jetën nëntë njerëzve deri më tani.

Ata që jetojnë në qytetin prej 8,9 milion banorë u është thënë gjithashtu që të shmangin turmat dhe minimizojnë qendrimet në sheshet publike.

Virusi është përhapur nga Wuhan në disa provinca kineze, si dhe në SHBA, Tajlandë dhe Korenë e Jugut.

“Në thelb, mos shkoni në Wuhan. Dhe ata në Wuhan ju lutemi mos e lini qytetin”, tha zv / ministri i Komisionit Kombëtar të Shëndetësisë Li Bin në një nga njoftimet e para publike që nga fillimi i shpërthimit të virusit.

Autoritetet gjithashtu pranuan se vendi ishte tani në “fazën më kritike” të parandalimit dhe kontrollit.

Ndërkohë, në Gjenevë, komiteti i urgjencës i Organizatës Botërore të Shëndetësisë po takohet për të vlerësuar rreziqet globale të paraqitura nga virusi dhe të vendosë nëse ai duhet të shpallet një emergjencë ndërkombëtare e shëndetit publik, siç ndodhi me gripin e derrit dhe Ebola.

Në fillim të kësaj jave, Kina konfirmoi se transmetimi nga virusi nga njeriu në njeri kishte ndodhur.

Virusi, i njohur gjithashtu si 2019-nCoV, kuptohet se është një lloj i ri i koronavirusit që nuk është identifikuar më parë tek njerëzit. Virusi Sars që vrau rreth 800 njerëz globalisht në fillim të viteve 2000 ishte gjithashtu një koronavirus./abcnews.al

 

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono