Ndalohet një për pastrim parash në Fier, dy shpallen në kërkim

11:15 | 02/06/201811:150

Një 52 vjeçar është ndaluar nga policia e Fierit me akuzën e pastrimit të parave, ndërsa dy të tjerë janë shpallur në kërkim.në operacionin policor të koduar “Pastrimi” u ndalua Xhevair Troka dhe u shpallën në kërkim personat me iniciale 1.L.Ç, 50 vjeç, banues në Patos 2.Sh.Ç, 44 vjeç, banues në Durrës. Për këtë akuzë është dhënë masa detyrim paraqitje edhe për dy persona të tjerë me iniciale A.Ç, 75 vjeç, dhe J.Ç, 26 vjeçe, banues në Patos.

Njoftimi i Policisë Fier

Ndalohet një shtetas për “Pastrim të produkteve të veprës penale”, 2 shpallen në kërkim, dhe për 2 të tjerë është dhënë masa e sigurisë “Detyrim paraqitje”.

Specialistët për Hetimin e Krimit Ekonomik e Financiar në Drejtorinë Vendore të Policisë Fier, në bashkëpunim me Prokurorinë Fier, pas një hetimi 2 vjeçar, bënë të mundur finalizimin e operacionit policor të koduar “PASTRIMI”.

Si rezultat i këtij operacioni, u ndalua shtetasi:

-Xhevair Troka, 52 vjeç, banues në Fier.

Ndalimi i këtij shtetasi u bë pasi Gjykata e Rrethit Gjyqësor Fier me vendimin e datës 01.06.2018, ka caktuar masën e sigurisë “Arrest në burg” për veprën penale “Pastrimi i produkteve të veprës penale apo veprimtarisë kriminale”.

Gjithashtu u bë shpallja në kërkim dhe po punohet për kapjen e shtetasve:

1.L.Ç, 50 vjeç, banues në Patos

2.Sh.Ç, 44 vjeç, banues në Durrës

Për këta shtetas, Gjykata e Shkallës së Parë Fier me Vendimin e datës 01.06.2018 ka caktuar masë sigurie “Arrest në burg” për veprën penale “Pastrimi i produkteve të veprës penale apo veprimtarisë kriminale”.

Po për këtë vepër penale, Gjykata e Shkallës së Parë Fier ka vendosur masën e sigurisë “Detyrim paraqitje” për shtetasit me iniciale:

  1. A.Ç, 75 vjeç, banues në Patos.
  2. J.Ç, 26 vjeçe, banuese në Patos. /abcnews.al

 

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono