Napoli arrin fitoren në fushën e Romës

21:07 | 31/03/2019

Napoli fitoi me epërsi të madhe duelin e Serisë A ndaj Romës. Edhe pse u luajt në kryeqytet, napolitanët triumfuan 4-1 me Elseid Hysajn që ishte titullar.

Dikur ishte një nga ndeshjet më të bukura të kampionatit. Roma-Napoli, në “Olimpiko” apo “San Paolo” gjithnjë krijonte spektakël në fushë e në tribuna, por këtë herë, shfaqjen e dha vetëm njëri ekip.

Pikërisht Napoli i trajnerit Karlo Ançeloti që triumfoi 4-1 dhe forcoi pozitat në vendin e dytë në renditjen e Serisë A. Me Elseid Hysaj si titullar, e që luajti deri në minutën e 68-të, nënkampionët e Italisë kontrolluan plotësisht një sfidë që pritej të ishte delikate.

Kaluan shpejt në epërsi që në minutën e dytë me anë të polakut Arkadiush Milik, dhe nuk e patën problem që Roma barazoi me penallti në fund të pjesës së parë, kur u tregua i saktë Diego Peroti.

Pas pushimit avantazhi u kthye dhe u thellua, me rrjetat e shënuara nga Dris Mertens, Simone Verdi dhe Amin Junes. Edhe pse tepër larg Juventusit kryesues, Napoli po vazhdon të tregojë krenari.

Mos vallë kjo është pjesë e projektit të Ançelotit për të krijuar një skuadër të fortë për disa vite, e për të pretenduar më në fund titullin në të ardhmen? Padyshim, objektivi mbetet I tillë, pavarësisht nëse do të munden ta ekuilibrojnë forcën jashtëzakonisht të madhe të Juventusit./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono