Myzeqe, të gjitha perimet gati për eksport

15:00 | 22/03/2019

Fermerët në Lushnje thonë se perimet e tyre po i eksportojnë në Greqi dhe në vende të tjera. Një gjë e tillë u jep garanci financiare, ndryshe nga tregu vendas që pëson luhatje të vazhdueshme.

Perimet e këtij viti do të shkojnë të gjitha për eksport. Fermerët në Lushnje, nuk do të furnizojnë tregun vendas. Çmimet nën kosto dhe mungesa e fuqisë blerëse, shihen si pengesa kryesore.

Tregu vendas nuk ka stabilitet çmimi. Ky fermer nga Goriçaj thotë se çmimet e shitjes së perimeve direkt nga serat ndryshojnë çdo ditë. Mungesa e stabilitetit bën që prodhimet e tyre t’i adresojnë në pikat e grumbullimit për eksport.

30 pika të eksporteve në Lushnje kanë nisur punën prej një muaji. Ballkani dhe shtetet e Evropës lindore janë vendet që marrin perimet e Myzeqesë.

Pavarësisht se eksportet e perimeve kryhen 12 muaj të vitit, statistikat e Drejtorisë së Bujqësisë tregojnë rënie. Një vit më parë, në periudhën Janar-Shkurt 2018 u eksportuan afro 93 mijë tonë perime, kurse këtë vit në të njëjtën periudhë, shifra shkon në 65 mijë tonë./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono