Muzikë e vjetër ose ajo barok, 90 minuta magjike në Vlorë

14:12 | 08/07/2018

Këtë vit edicioni i pestë i muzikes Barok nisi në Vlorë. Ky festival përveç të tjerash ka për qëllim të zgjerojë sa më shumë panoramën e barokut, duke i sjellë publikut një repertor të pasur jo vetëm me pjesë të kompozitorëve të njohur, por edhe me pjesë që deri më sot nuk janë luajtur në skenat shqiptare.

Muzika e vjetër, ose ajo Vox Barok. Me instrumente origjinalë dhe në respekt të plotë të stilit, rregullave dhe mënyrës së interpretimit të asaj kohe.

Një shfaqje e jashtëzakonshme në Vlorë e edicionit të pestë të Festivalit të themeluar nga nga Jusuf Beshiri.  Interpretë në violinë, violinçel e bilbil nga Hollanda e Italia si dhe këngëtarja soprano Erinda Agolli.

Një alternativë kulturore ndanë detit, në Pyllin me Pisha afër Zvërnecit. Me një audiencë të zgjedhur, me autoritete e njerëz të kualifikuar të kulturës. Aty ku Petrolifera ka krijuar një oaz mjedisor fantastik.

Jusuf Beshiri, themeluesi i Festivalit: “Vlora këtë zhanër nuk e njihte më parë, jo se nuk njihte Vivaldin, por instrumentat antikë me të cilët luhej”

Në respekt të vitit të Skënderbeut. Ky ishte dhe qëllimi i Beshirit të sillte vepra të kompozitorëve të mëdhenj për heroin tonë kombëtar.

Jusuf Beshiri, themeluesi i Festivalit: “Është viti i Skënderbeut dhe jemi dedikuar totalisht muzikës, të cilës muzuikantë të huaj si vivaldi e muzikantë të tjerë kanë kompzouar për këtë hero, që në vitet 400 ka qenë i famshëm në gjithë Europën dhe në vitet 700 i janë dedikuar vepra”.

Përfshirja e shumë studentëve me muzikën e vjetër ishte një risi. Kuartete nga Holanda Kranjova, dhe perfomanca e shkëlqyer e grupit hollandez dhe sopranos  Erinda Agolli për gati 90 minuta i dhuruan Vlorës një natë magjike. /abcnews.al

 





Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono