Moviola e Albano Jankut në Pressing, edhe Kukësi-Partizani në “lupë”  

00:08 | 28/01/202000:080

Albano Janku, specialisti i gjykimit, si zakonisht është pjesë e panelit të emisionit “Pressing” në ABC News. Java që u mbyll ka pasur probleme dhe ish-gjyqtari ka analizuar rastet e diskutueshme të hasura në Kategorinë Superiore.

“Regjia e Supersportit kishte instaluar një kamerë për problemin e golit. Fatkeqësisht ishte instaluar në krahun tjetër, jo në portën ku u bë goli”, tregon Janku fillimisht gjatë emisionit. Më pas ai nisi moviolën për ndeshjen Teuta-Bylisi.

“Kemi faull për Guindo, loja duhet të ishte ndalur që në ndërhyrjen e Kallakut. Kemi rastin tjetër, Arapi-Guindo. Them se Renato nuk ka shkaktuar faull. Kemi një tjetër moment, lojtari i Teutës i heq topin sulmuesit të Bylisit. Mendoj se ndërhyrja është e saktë”.

“Kemi rastin e minutës së 64-t. Dora e djathtë e mbrojtësit të Teutës është e hapur, në pozicion jo natyral. Kemi të bëjmë me penallti. Arbitri duhej ndihmuar anësori. Kemi rastin e golit të anuluar për Teutën. Dyshoj se lojtari i durrsakëve mbahet në lojë nga Bicaj”.

NDESHJA NË AIR ALBANIA – “Solomon mbahet në lojë nga Olsi Teqja dhe kemi të bëjmë me një vendim të gabuar. Sulmuesi ishte në pozicion të rregullt. Shikoni vijën e fushës për ta kuptuar më mirë. Gabim i asistentit”.

“Momenti i dytë është ai shënimit të golit. Arbitri i linjës ka ndihmuar, është pranë dhe i fokusuar. Ai i ka dhënë informacion kryesorit. Arbitri i linjës kthen kokën për të parë nëse është pozicion jashtë loje. Kemi bashkëpunim perfekt të ekipit të arbitrave. Kukësi kërkon penallti në minutën e 73-të. Dora e Idrizajt ishte e hapur dhe kemi të bëjmë me penallti”./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono