Morgan Freeman: E padrejtë të barazohet dhuna me shaka të gabuara

17:01 | 27/05/2018

Aktori i mirënjohur, Morgan Freeman, është mbrojtur nga akuzat e disa femrave që e akuzojnë për ngacmime seksuale. Ai ka kërkuar falje për ndonjë kompliment të papërshtatshëm, por nuk pranoi të barazohej me nivelin e atyre që kryen dhunë apo ngacmime seksuale.

Është një kmoment i vështirë për Morgan Freeman, i cili përfundoi në ciklonin e ngacmimeve për shkak të akuzave të disa femrave për sjellje “të papërshtatshme” në disa filma midis 2013 dhe 2017. Aktori kërkoi falje por në të njëjtën kohë thotë se ndihet i shkatërruar nga ato që po ndodhin.

“Është e padrejtë të vihet në të njëjtin nivel dhuna e tmerrshme me disa shaka apo komplimente të gabuara”, tha ai.

Freeman pranon se ai ndoshta është treguar i pahijshëm me disa sjellje, dhe kërkoi falje nëse dikush është ndjerë e ofenduar, por nuk pranon të barazohet me nivelin e ngacmimeve dhe dhunës seksuale.

“80 vite të jetës sime ka gjasa të shkatërrohen sa hap e mbyll sytë . Të gjitha viktimat e ngacmimeve meritojnë të dëgjohen dhe ne duhet t’i dëgjojmë ato, por nuk është e drejtë të barazohen rastet e tmerrshme të dhunës seksuale me komplimente apo shaka të pahijshme”, ka shkruajtur në një deklaratë Freeman.

Ndërkohë, disa kompani me të cilat Freeman kishte kontrata sponsorizimi kanë pezulluar bashkëpunimet dhe emri i aktorit është bashkangjitur menjëherë me ato të të tjerëve që përfunduan në skandal, me akuza të tjera.

“Unë dua të jem i qartë. Nuk provokoja situata në punë, nuk i sulmova femrat, nuk ofrova punë ose avancime karriere në këmbim të seksit. Kushdo që thotë këtë gënjen”, përfundon aktori i njohur./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono