Montonte bomba me celularë/Arrestohet pronari i dyqanit që u plagos

11:04 | 13/03/2018

Arrestohet personi që mbeti i plagosur një ditë më parë, pas një shpërthimi të fortë në dyqanin e celularëve. Gentian Hoxha akuzohet për montim minash me celularë, pasi në dyqan iu gjetën kapsolla dhe pluhur tritoli.

Një ditë pas shpërthimit te dyqani i celularëve, policia e kryeqytetit vuri në pranga biznesmenin, Gentian Hoxha.

34-vjeçari dyshohet se montonte mina me celularë. Sipas grupit hetimor, Hoxha në momentin e shpërthimit, ku mbeti edhe vetë i plagosur, ishte duke montuar lëndën plasëse në një aparat telefonik. Ndërkohë, zyrtarisht policia pohon se brenda dyqanit u gjetën 2 kapsolla përcjellëse, pluhur tritoli, si dhe disa tela që përdoren për montimin e minave.

Gjithashtu u sekuestruan edhe 3 detonatorë, të cilët aktivizojnë shpërthimin nëpërmjet kapsollave përcjellëse.

Në servisin e celularëve, ekspertët e xhenios gjetën edhe një mikroskop, që zakonisht përdorej për montimin e minave me celularë në qarkun e tyre elektrik.

Nisur nga provat që janë gjetur brenda biznesit të Gentian Hoxhës, policia, po heton edhe për lidhjet e tij me persona të tjerë, që mund të jenë implikuar në këtë aktivitet.

Qytetarët tregojnë tmerrin që përjetuan momentin e shpërthimit një ditë më parë pranë institutit të Higjenës dhe sesi i dhanë ndihmën e parë të lënduarit.
“Kur e nxorrëm këtu as njiheshe, vetëm një gjë e zezë. Pantallonat ishin djegur edhe kishte dy plagë në gju, por gishtat i pamë të prera. Ishte bërë copë-copë”.

34-vjeçari ndodhet nën trajtimin e mjekëve në Spitalin e Traumës, ku sipas tyre gjendja e tij është përmirësuar dhe këtë të martë mund të merret në pyetje nga oficerë të policisë gjyqësore.

Në tregun e zi minat me celularë variojnë nga 700 deri në 1500 euro./abcnews.al





Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono