Protestuesit kanë hedhur disa herë molotov para derës së Kryeministrisë. Në një moment përplasjeje teksa është hedhur edhe molotov një protestues është përfshirë nga flakët, pasi molotovi i ka rënë në turp. Ka qenë pikëshit momenti kur po fliste kryedemokrati Lulzimi Basha.
Në videon e siguruar nga ABC News shikohet rasti i rëndë kur protestuesi është i gjithi në flakë. Në ndihmë shikohet t’i vijnë qytetarë dhe efektivë të policisë.
Ende nuk ka asnjë informacion se si mund të jetë gjendja e të lënduarit.
Të pranishmit në protestë janë përplasur me policinë dhe kanë thyer kordonin e efektivëve disa herë.
Kreu i opozitës u bëri thirrje pjesëmarrësve që të ruanin qetësinë. Por situata ka dalë disa herë jashtë kontrollit, ku incidente kanë qenë të vazhdueshme.
Menjëherë pasi u grumbulluan përpara godinës, ata nisën ta godisnin me bojë e shashka dhe pasi hoqën gardhin rrethues, protestuesit nisën sulmin me bomba molotov.
Ndërsa pak më parë u bë e ditur se në tubim ka të lënduar edhe në radhë të policisë./abcnews.al
