Momenti kur gjarpri vjell dhinë (Video)

22:55 | 04/09/2019

Disa pamje të çuditshme po qarkullojnë në internet kohët e fundit. Në to shfaqet një piton rreth katër metra i gjatë teksa nxjerr një dhi të cilën e kishte gëlltitur të gjithën. Banorët në fshatin Fujian në juglindje të Kinës thanë se gjarpri shpenzoi afërsisht një orë për ta nxjerrë të gjithë kafshën.

Për ta ndihmuar kishin shkuar edhe fshatarët të cilët i tërhoqën bishtin dhe i bënin masazh në stomak. Pitonin e gjeti një bari i zonës, teksa po kërkonte një kafshë të humbur. Ai pretendon se i kanë humbur të paktën 20 dhi që prej fillimit të vitit.

“Stomaku i tij ishte shumë i fryrë dhe jam i sigurtë se ka ngrënë një prej dhive të mia”, tha ai për mediat.

Në ndihmë të fshatarëve shkoi edhe policia pyjore. Ndërkohë në videon e publikuar shfaqet gjarpri gjigand, i cili vjell kafshën e ngordhur, afërsisht 40 kilogramë.

Më vonë, pitoni u mor nga oficerët e policisë pyjore dhe u dërgua në një strehë për kafshët e egra. Gjarpri do të lëshohet në natyrë më vonë, pasi në Kinë, pitonët janë specie e mbrojtur pasi konsiderohen në rrezik zhdukjeje./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono