Mohamed Salah, sërish lojtari i vitit në Afrikë

14:53 | 09/01/2019

Mohamed Salah u shpall Lojtari më i mirë i vitit në Afrikë. Sulmuesi i Egjiptit dhe Liverpulit e fitoi çmimin për herë të dytë radhazi Kontinenti nuk gjeti ende më të mirë se ai. Mohamed Salah e fitoi për herë të dytë radhazi çmimin e Lojtarit të vitit në Afrikë, dhe ky titull individual iu dorëzua në një ceremoni të zhvilluar në Dakar.

Egjiptiani la pas shokun e tij tek Liverpuli, Sadio Mane, dhe sulmuesin tjetër, Pjer-Emerik Obamejang të Arsenalit, ndërsa është egjiptiani i dytë në histori që ia del ta fitojë trofeun.

Ishte një ditë e madhe për Egjiptin, pasi fitoi të drejtën për të organizuar Kupën e Kombeve të Afrikës në vend të Kamerunit. Në skuadrën e vitit për Afrikën, plot 7 lojtarë ishin nga Premier Liga, si Salah, Mane, Obamejang, Keita i Liverpulit apo Mahrez I Mançester Sitit.

“Është një nder i madh për mua që arrij ta fitoj këtë çmim dy herë radhazi, – u shpreh ai, – që kur isha fëmijë, ishte ëndërr që të shpallesha Lojtari i vitit në Afrikë. Falenderoj familjen time, shokët e skuadrës dhe tifozët, ndërsa këtë çmim ia dedikoj atdheut tim, Egjiptit”. Sulmuesi 26-vjeçar pati një vit të shkëlqyer 2018, ndonëse nuk arriti të fitonte trofe, as me Liverpulin dhe as me Egjiptin.

Ai realizoi 32 gola në Premier Ligë duke fituar Këpucën e Artë, dhe realizoi 44 rrjeta në të gjitha konkurrimet. Me Egjiptin debutoi në Kupën e Botës në Rusi, duke shënuar dy gola Salah doli i gjashti në renditjen e Topit të Artë, por fitoi Çmimin “Pushkash”, të golit më të bukur të vitit, dhënë nga FIFA./abcnews.al




Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono