Miratohet buxheti për vitin 2019 në Lezhë

17:06 | 29/01/2019

Me votat e shumicës së këshilltarëve është miratuar buxheti për vitin 2019 në Lezhë. Ulje taksash dhe investime në infrastrukturë janë parashikuar në këtë buxhet. Në mbledhje munguan këshilltarët socialistë.

Këshilltarët e majtë, mazhorancë në Bashkinë e Lezhës bashkuan votat me të djathtët për të miratuar paketën fiskale dhe buxhetin për vitin 2019. Të vetmit që munguan ishin këshilltarët e Partisë Socialiste, të cilët në fakt e kishin paralajmëruar mungesën e tyre në këtë mledhje.

Ulja e taksave dhe rreth 69% të buxhetit për shërbime, investime dhe mbrojtjen sociale kanë bindur shumicën e këshilltarëve. Miratimi i buxhetit është përshëndetur nga nënkryetarja Alfrida Marku, sipas të cilës në këtë mënyrë po mbrohen interesat e qytetarëve.

Buxheti i Bashkisë Lezhë për vitin 2019 kap vlerën e 1.81 miliardë Lekë dhe do të jetë i fokusuar në përmirësimin e infrastrukturës në qytet dhe njësitë administrative të kësaj bashkie. /abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono