Miratohen projektligjet për Ushtrinë e Kosovës, Lista Serbe largohet para votimit

13:25 | 18/10/2018

Parlamenti i Kosovës ka miratuar me shumicë votash krijimin e Ministrisë së Mbrojtjes dhe transformimin e forcave të sigurisë në Ushtri.

Në sallë ndodheshin 102 deputetë, 101 prej tyre votuan unanimisht pro në Ligjin për Mbrojtjen. Me shumicë votash përfundoi votimi në lexim të parë i Projektligjit që i mundëson Kosovës të ketë Ministrinë e Mbrojtjes, pasi deri tani ka pasur vetëm Ministrinë e FSK-së. Votimi i projektligjit për Ministrinë e Mbrojtjes është futur si pikë e parë e rendit të ditës pas kërkesës së opozitës.

Pak para votimit, pasi kundërshtuan hedhjen në votim të tre projektligjeve që bënë Kosovën me Ushtri dhe me Ministri mbrojtjeje, deputetët e Listës Serbe u larguan nga salla. Në fjalën e tyre para votimit të gjithë deputetët u shprehën unanimë në mbështetjen për sa përket votimit pro, të krijimit të ushtrisë së Kosovës. Tashmë hapi i radhës mbetet krijimi i Forcave të Armatosura të Kosovës./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono