Ministrja Denaj: Shkollat dhe formimi profesional, rol në nxitjen e punësimit

13:30 | 25/02/2019

Ministrja e Financave dhe Ekonomisë, Anila Denaj zhvilloi një vizitë në Zyrën e Punësimit në Tiranë, ku u njoh nga afër me praktikat e punësimit, kryesisht për të rinjtë.

Sipas Ministres Denaj, zyra e punësimit në kryeqytet ka punësuar rreth 40% të të rinjve deri në moshën 29 vjeç. Ministrja e Financave dhe Ekonomisë theksoi se duhet t’i kushtohet një rëndësi e madhe edhe shkollave profesionale që nxisin më tej punësimin.

“Ne kemi një rrjet shumë të gjerë shkollash profesionale, nëpërmjet shumë programeve që ministria jonë ndjek, ne nxisim që shkollat profesionale të bëhen sot atraktive për të gjithë personat që kanë mundësinë nesër të punojnë në tregun e punës në profesione shumë tipike, siç ju e thatë, në kërkesat që ka tregu i punës në telekomunikacion, në turizëm e hoteleri dhe mendojmë që shkollat profesionale, me dinamizmin që po marrin, me mbështetjen që po marrin, me fokusin që ka qeveria te zhvillimi i këtyre shkollave profesionale, të gjejnë atë mbështetje studentët që sapo përfundojnë nga niveli i mesëm dhe të arrijnë atë profesionalizëm që kërkohet për tregun e punës”, tha ministrja Denaj.

Ministrja Anila Denaj vlerësoi edhe raportin e krijuar nga zyrat e punës me kompanitë e ndryshme, që ndikon në nxitjen e punësimit të të rinjëve dhe punonjësve të kualifikuar./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono