Ministrat e Transportit të Ballkanit mblidhen në Slloveni

12:52 | 26/04/2018

Ministrat e Transporteve të Ballkanit Perëndimor janë dakordësuar në Slloveni për rritjen e sigurisë rrugore dhe lehtësimin e kalimit kufitar. Pjesë e kësaj tryeze ishte Shqipëria.

Siguria rrugore dhe menaxhimi i kufijve bëri bashkë në Slloveni ministrat e Transporteve të vendeve të Ballkanit Perëndimor. Ministri i Infrastrukturës dhe Energjisë, Damian Gjiknuri, shpjegoi në tryezën e drejtuar nga komisionerja evropiane për Transportin, Violeta Bulc, projektet e qeverisë shqiptare sa i përket sigurisë rrugore.

“Shpjegova edhe skemat e mbështetjes financiare nëpërmjet Partnerit Publik Privat si një nga format e përmirësimit të infrastrukturës në vend, çka u përmend edhe nga komisionerja. Gjithashtu, u fol edhe për një fond të Bashkimit Europian, që e mori përsipër komisionerja, për ta adresuar të gjitha ‘hot spot-et’, ato që quhen vende të rrezikshme, të gjitha nyjet e identifikuata të transportit në Evropën Juglindore”, nënvizoi Gjiknuri.

Këtij forumi iu bashkua edhe Turqia, ndërsa të pranishëm në tryezë ishin dhe përfaqësues nga vende anëtare të Bashkimit Evropian si Italia, Kroacia, Sllovenia, Greqia, Rumania dhe Qipro.

Në përfundim të takimit, ministrat u dakordësuan për dy deklarata që kishin për bazë angazhimin e përbashkët në rritjen e sigurisë rrugore ashtu sikurse lehtësimin e kalimit kufitar./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono