Minatorët protestë para Kryeministrisë, kërkojnë miratimin e statusit

16:05 | 11/02/2019

Minatorët i janë rikthyer protestave para Kryeministrise.Paraditen e sotme ata kanë kërkuar miratimin e statusit dhe i kanë lënë afat qeverisë deri më 22 shkurt. Ne mungese te nje pergjigje minatoret kercenojne me greve urie.

Rreth 24 vite të jetës së tij Frrok Pacuku i ka kaluar në minierën e Spaçit. Pasojat e punës nëntokë i ndjen dhe 17 vite pas shkëputjes.

“Vitin që kaloi në prill dhe nëntor jam operuar dy herë”.

“Ne marrim pension minimal, as për ilaçe nuk del”

“Ata minatorë që kanë punuar 11 vjet e 6 muaj të marrin statusin. Kam punuar në temperaturë 40-45 gradë”.

Statusi i minatorit e ka nxjerrë në protestë përpara kryeministrisë, bashkë me disa prej kolegëve të tij.

“Kam 20 vjet nëntokë, në librezë jam 59 vjeç, akoma nuk jam nën pension as ndihmë ekonomike as kurrgjë”.

“Janë ndërru qeveritë me mijëra herë dhe janë zotu për statusin e minatorit dhe nuk na kanë dhënë asnjë të drejtë dhe kërkojmë një pagë minimale për jetesë. Po jo nën 200 mijë lekë pension, ne shumica marrim nën 200 mije lekë”.

Minatorët shprehen të zhgënjyer nga përfaqësuesit e Sindikatave që i kanë përfaqësuar dhe thirrjen tashmë ja drejtojnë kryeministrit Edi Rama. Madje paralajmërimin thonë se e kanë të njëjtë me atë që i kanë drejtuar ish-kryeministrit Sali Berisha.

“Jemi 200 mijë votues dhe 220 mijë vota do i kesh mangut”.

Minatorët thonë se presin reagimin e qeverisë deri më 22 shkurt pas kësaj date kërcënojnë dhe me futjen në grevë urie. /abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono