Milani rrezikon kualifikimin në Champions

21:45 | 20/04/201921:450

Milani rrezikon të mos kualifikohet për në Champions sezonin e ardhshëm, duke dështuar sërish në Serinë A. Skuadra e trajnerit Gatuzo u ndal në barazim nga Parma

Dyshimet janë shtuar shumë për këtë skuadër.

Milani mund të jetë 19 herë kampion i Italisë dhe 7 herë kampion i Evropës, por ky sezon në Serinë A duket se po mbyllet si mos më keq.

Në fushën e një skuadre normalisht inferior si Parma, me detyrën për të fituar për të mos rrezikuar objektivat, të besuarit e trajnerit Xhenaro Gatuzo nuk mundën të jepnin përgjigjen e duhur.

Nuk mund të thuhet se thjesht nuk përballuan presionin që sa vjen e rritet, pasi ajo që ndodhi në stadiumin “Enio Tardini” ishte edhe më keq.

Milani bëri një ndeshje të shëmtuar, që duhej ta kishte humbur, kaq e madhe ishte epërsia e Parmës në lojë dhe në raste.

Ishte fat i madh, disa herë zotësi e portierit Donaruma dhe gabime të vendasve që nuk i dhanë suksesin emilianëve.

U duk madje se dështimi ishte plotësisht kundër tyre, kur Milani shënoi me rastin e vetëm që krijoi gjatë gjithë 90 minutave, me autor goli Santi Kastijehon.

Gjithsesi, lombardët nuk ishin në gjendje as të përfitonin nga fati, duke u barazuar në fund.

Çfarë problemesh ka kjo skuadër?

Kritikët thonë se nuk ka cilësinë e duhur, ndërsa trajneri Gatuzo deklaroi se ndoshta ai nuk është aq I mirë sa për të sjellë suksesin në një klub kaq të madh.

Milani ka 56 pikë, kur duhen edhe 5 javë deri në fund të kampionatit, dhe rrezikon seriozisht kualifikimin për në Champions sezonin e ardhshëm./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono