Milani me hap Champions-i, Inter ndal Napolin


15:00 | 12/03/2018

Në Serinë A është rritur konkurrenca për kualifikimin sezonin e ardhshëm për në Ligën e Kampionëve. Barazimi i Interit dhe fitorja e Milanit bëri që dy rivalët milanezë të afrohen në tabelë

Ishte një ndeshje që bëri shumë ndryshime.

Një Inter-Napoli që përfundon 0-0 ndikoi tek vendasit, tek miqtë, por edhe tek skuadrat e tjera të Serie A.
Jo vetëm që napolitanët tani janë më larg titullit, duke mbetur 1 pikë prapa Juventusit, ndërsa kanë luajtur një ndeshje më shumë sesa kampionët.

Edhe interistët e rrezikuan jo pak veten në objektivin e tyre kryesor, kualifikimin sezonin e ardhshëm për në Ligën e Kampionëve.
Tashmë, zikaltërit kanë 52 pikë, ndërsa vetëm 5 pikë larg tyre është Milani, ekipi që dukej i vdekur në mesin e sezonit.
Fitorja në sekondat e fundit në fushën e Genoa-s ishte tepër e rëndësishme dhe tepër e vështirë, duke e dërguar në delir trajnerin Gattuso.
Gattuso, madje, ishte kaq i hutuar, saqë nuk mbante mend aq përqafimin që i dha arbitrit të katërt.

Gennaro Gattuso: “Puthjet ia jap gruas sime dhe grave të bukura, në kuptimin për t’i përshëndetur. Deri këtu nuk kam mbërritur ende. Madje nuk kujtoj as që ta kem përqafuar arbitrin e katërt, thjesht i thashë që ndeshja kishte përfunduar dhe pastaj e përshëndeta, nuk mbaj mend ta kem përqafuar”.

Trajneri milanist vlerësoi lart karakterin e skuadrës së tij, të treguar pas humbjes me Arsenalin në Ligën e Europës.

Gennaro Gattuso: “Sot ishim shumë të shqetësuar, edhe unë edhe stafi im, sepse vinim pas humbjes me Arsenalin, ndërsa prej 2 apo 3 muajsh e gjysmë nuk ishim mësuar me shijen e humbjes. Për fat, skuadra u tregua shumë e aftë që arriti të reagonte në një ndeshje që edhe mund ta kishim humbur. Genoa luajti shumë mirë, por më pëlqeu karakteri i ekipit, personaliteti i saj i fortë. Objektivi ynë është kualifikimi për në Champions, dhe për këtë do të luftojmë deri në fund”.

Milani, këtë javë, ishte një nga ato skuadra që u kënaq shumë me sistemin e teknologjisë, VAR.
Genoa shënoi gol dhe kaloi në avantazh, por gjyqtari në mënyrë korrekte u këshillua me teknologjinë dhe zbuloi se goli u shënua në pozicion jashtë loje.

Tek Lazio, me siguri pyesin se përse kjo ndodh me Milanin dhe jo me të./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono