Messi synon titullin botëror në Rusi
BARCELONA, SPAIN - FEBRUARY 24: Lionel Messi of FC Barcelona celebrates after scoring his team's third goal during the La Liga match between Barcelona and Girona at Camp Nou on February 24, 2018 in Barcelona, Spain. (Photo by Alex Caparros/Getty Images)

14:34 | 16/05/2018

Lionel Messi shkon në Botërorin e Rusisë me objektiva të qarta. Ylli argjentinas tregon ambiciet e tij në prag të Kupës së Botës, ndërsa flet edhe për Cristiano Ronaldon dhe për Nejmarin.

Një intervistë me Leo Messin nuk ndodh çdo ditë.

I mbiquajturi lojtari më i mirë i botës, pret më në fund një gazetar në shtëpinë e tij, në atë që mund të quhet muzeumi i karrierës së tij, duke prishur zakonin e tij për të qëndruar larg mediave.

Jemi në prag të Botërorit, ndaj edhe numri 10 argjentinas dhe katalanas, pranon një intervistë të gjatë me një televizion të vendit të tij, Argjentinës.

Çfarë do ta kënaqte Mesin në Rusi?

Lionel Messi:“Një Botëror i mirë për Argjentinën do të thotë të jemi mes 4 ekipeve më të mirë, të jemi në gjysmëfinale, edhe pse objektivi nuk është I tillë. Padyshim, ne duam që të jemi kampionë të botës në Rusi, edhe pse nuk qe e lehtë që të kualifikoheshim. E meritojmë që jemi në Botëror, ndërsa pres që rivalët tanë të jenë Brazili, Gjermania, Spanja dhe Franca”.

Gjithsesi, jo shumë kohë më parë, Mesi pati një moment ftohjeje dhe u tërhoq nga kombëtarja, edhe pse bëri prapakthehu.

Lionel Messi: “Pasi e mora atë vendim, u mendova më pas në qetësi dhe gjykova se ishte një mesazh i gabuar për brezin e ri, për tifozët dhe të gjithë njerëzit. Ne nuk duhet të dorëzohemi kurrë, por të luftojmë deri në fund për të arritur objektivat”.

Në Botëror, ai do të ketë kundërshtar ish-shokun e ekipit, Nejmarin.

Çfarë mendon Mesi për kalimin e tij të mundshëm tek Reali?

Lionel Messi: “Do të ishte diçka e tmerrshme, do të ishte e rëndë për të gjithë për atë që Nejmar përfaqëson tek Barcelona. Këtu ai fitoi tituj të rëndësishëm, fitoi Championsin, kampionatin. Do të ishte një goditje e rëndë për të gjithë. Nëse ai shkon tek Reali, do ta bëjë më të fortë si skuadër. Kam folur me Nejmarin dhe ai e di mendimin tim”.

Ish-trajneri argjentinas, Otavio Bianki, është shprehur se Messi do të jetë më i miri lojtar i të gjitha kohëve, pavarësisht nëse e fiton ose jo Botërorin.

Lionel Messi: “Nuk më intereson që të cilësohem më i miri i të gjitha kohëve. Unë luaj që të fitoj gjithçka, të fitoj trofe çdo vit, dhe nuk e mendoj aspak nëse do të jem më  i miri, i dyti apo i treti. Po ashtu, nuk garoj me Kristianon, por dua që të përmirësohem çdo vit. Është e vërtetë që kur Kristiano fiton apo Reali shkon në finalen e Championsit, unë nxitem që të fitoj gjithashtu. Unë jam konkurrues, fitues, dhe dëshiroj vetëm trofetë”.

Lionel Mesi është thuajse 31 vjeç dhe besohet se Botërori i Rusisë është shansi i tij i fundit në karrierë për taq fituar trofeun e madh me kombëtaren./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono