Messi i përgjigjet Ronaldos

12:25 | 14/03/2019

Lionel Messi iu përgjigj Cristiano Ronaldos, duke shënuar dy gola e duke shërbyer dy asiste, në suksesin e Barcelonës ndaj Lionit. Katalanasit duan të fitojnë çdo trofe këtë sezon.

Nuk priti gjatë për t’u përgjigjur. Cristiano Ronaldo ishte njeriu i mbrëmjen në Champions, të martën, por Lionel Messi e zëvendësoi mbrëmjen e së mërkurës. Pasi Ronaldo realizoi paraqitjen e jashtëzakonshme ndaj Atletikos, me 3 gola në fitoren 3-0 të Juventusit, Messi iu përgjigj me dy gola dhe dy asistë në suksesin 5-1 të Barcelonës ndaj Lionit.

Edhe pse niveli i rrezikut për katalanasit nuk ishte sa ai i Juventusit, sërish fitorja e tyre dhe paraqitja e argjentinasit, ishin mbresëlënëse. Spektakli i Mesit nisi në momentin më të vështirë të ekipit. Shënoi me aksion personal golin e tretë, duke mos lejuar rrezikimin e fitores.

Më pas shërbeu asistin për Gerard Pique-në që shënoi golin e katërt, por nuk u mjaftua me aq. Dha edhe asistin për golin e pestë, nga Ousmane Dembele. Kapiteni i katalanasve ka tani 108 gola në Champions, ndaj 125 të Ronaldos, kjo edhe për shkak se ka luajtur shumë më pak ndeshje se portugezi (131 ndaj 166).

Mesi ka 8 gola në 6 ndeshje këtë edicion në Champions, dhe 36 rrjeta në 36 paraqitje në sezon si total. Argjentinasi po i drejtohet vitit të 10-të sportiv me të paktën 40 gola të shënuar, por gjithsesi, nuk harroi të vlerësonte lart rivalin Ronaldo.

“Ishte një fitore e madhe e jona, – tha Messi, – e realizuam misionin tonë, ndërsa për çerekfinalet nuk kam parashikim, të na bjerë kush të na bjerë. Sa për Cristianon, ajo që ndodhi me të dhe me Juventusin ishte e jashtëzakonshme. Cristiano pati një natë magjike me 3 gola”.

Messi u vlerësua lart edhe lojën në mbrojtje, dhe një tifoz postoi një video të argjentinasit duke ndihmuar ekipin ndaj Lionit. Falë kapitenit, Barcelona lufton në çdo kompeticion, e shkëputur në krye të La Ligës, e kualifikuar në finale të Kupës së Mbretit në Spanjë, dhe tani në çerekfinale të Championsit.

“El Mundo Deportivo”: Manitë e Zotit, por titulli ka dy kuptime, pasi dy shkronja jepen me numrin 10 që Mesi mban në shpinë! Mesi sipëror me dy gola dhe dy asiste!

“Sport”: Dridhet Europa! Barça kualifikim madhështor për në çerekfinale!

Gazeta “Marca” vlerëson: Barça si ciklon! Pasi rrezikoi me rezultatin 2-1, ekipi i Valverdes shpërtheu ndaj Lionit!

Suksesi i katalanasve u arrit edhe falë penalltisë së fituar pa të drejtë nga Suarezi, dhe shënuar me stilin “Panenka” nga ana e Messi-t. Po ashtu, nga goli i Coutinho-s shërbyer nga Suarezi, ndërsa Lioni thjesht shkurtoi diferencën përkohësisht në 1-2. Publiku në “Camp Nou” festoi gjatë dhe me të drejtë, me skuadrën që po hyn në formën më të mirë në fazën vendimtare të sezonit./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono